لعبه ...............................الصراحه ؟؟؟

زائر

يجماعه بعد ازنكوا انا مبقتش عارفه فين اللعبه من الشاتنج
رجاء الالتزام
واللي عليه الدور يجاوب محدش يخش ولا يتكلم كلمه الا اللي عليه الدور يجاوب وبس
المفروض ندا تجاوب ياريت تيجي وتجاوب وبس

اووووووووووووووووك

عامله ايه؟
الحمد لله تمام

عرفينا بنفسك شويه؟
انا اسمى ندا وكفايه كدا

مواليد 10/2/1991

فى كليه االهندسه جامعه المنصوره

بحب كل الناس وخصوصا شعب بمبه

هواياتي النت والتي في

مين اقرب انسان ليكي؟؟

مامتي

بتحلمي بايه؟؟

اني اعدي السنه دي علي خير
واجيب تقدير كويس ادخل بيه عماره باذن الله
وربنا يوفقني في شغلي وفي حياتي

ايه مواصفات شريك حياتك؟

انه يكون انسان محترم ومتدين ومتفاهم ومثقف
يقدر يحافظ عليا وعلي اسرته

بتحبى دلوقتي؟؟
...................

ايه رأيك في الحب من طرف واحد؟؟

هو اكيد احساس صعب ان الانسان مش يلاقي صدي لاحاسيسه ومشاعره
لكن في بعض الاحيان ولبعض الناس بيبقي الحب من طرف واحد احسن
علشان الانسان مش يوقع نفسه في اي اخطاء هو في غني عنها

ترتبطى بواحد بيحبك اوي ولا اللي انتى بتحبيه اوي؟

واحد متفاهم معايا

قولى رسالة شكر واعتذار مش لازم تذكر اسماء؟

بشكر حبيب قلبي ميدو اخويا لان بفضله -بعد ربنا طبعا- عديت امتحانات الثانويه العامه علي خير
واعتذر لانسان عزيز اوي عليا مش قدرت اقف جنبه بسبب سوء الظروف

تقولى لمين وحشتني اوي؟؟

اخويا

ايه رأيك في اعضاء بمبه؟

كلهم زي العسسسسسسسسل

مش شكرا علي الاسئله يا محمد
علشان انا اللي حطاها Razz

وبجد احلي حاجه انك مريح دماغك Very Happy

هسأل تايجر

ازيك يا تايجر؟؟
عامل ايه؟؟
ايه اللي شاغلك دلوقتي(اليومين دول)؟؟
بتتمني ايه؟؟
مين اقرب صديق ليك؟
اقرب صديقه؟
صحابك بيمثلوا لك ايه؟؟
مين اغلي انسان في حياتك(واحد بس)؟؟
بتحب دلوقتي؟؟
تتمني ايه من حبيبتك؟؟
قول رساله للي بتحبها؟؟؟؟
لو خيروك بين حبيبتك وصاحبك تختار مين ؟؟وليه؟؟
ايه رأيك في اعضاء بمبه عضو عضو؟؟

بس خلاص

هسأل تايجر
اتفضلى

ازيك يا تايجر؟؟
الحمد الله
عامل ايه؟؟
تمام
ايه اللي شاغلك دلوقتي(اليومين دول)؟؟
والله مش عارف حجات كتير منهم النتيجه بتاعتى يوم التلات ومنهم حاجه كدا خايف اوى منها مش عاوز اقول ايه هى الوقتى
بس
بتتمني ايه؟؟
انى اجرى والعب كوره

مين اقرب صديق ليك؟
نفسى

اقرب صديقه؟
........... هى نفسى مش حد يعنى تانى برده
صحابك بيمثلوا لك ايه؟؟
انا مش عندى اصحاب
اصحابى الى هما انتوا حاليا

مين اغلي انسان في حياتك(واحد بس)؟؟
امى

بتحب دلوقتي؟؟
والله مش عارف اقوللك ايه
بس اه ولا ولا واه
مش عاااااااااااارف
تتمني ايه من حبيبتك؟؟
يحس بى بقا ده بقا تقيل اوووووووى مع انى مبشوفوش ولا هو بيشوفنى الا نادرا يعنى
قول رساله للي بتحبها؟؟؟؟
انا محتاجك
لو خيروك بين حبيبتك وصاحبك تختار مين ؟؟وليه؟؟
بصى هو الاختيار صعب
لو كان صحبى اوى يعنى وجدع معاى اخر حاجه
هختار صحبى لان الصاحب مش بيتعوض والهبل الى بيقولوه ان الصداقه بتكون فى اى حته ده غلط اه الصداقه موجوده بس مش هتلاقى صاحب يخاف عليك ويحبك اوى كدا (ده بالنسبه لو كان صحبى اوى )
امال لو معنديش اصحاب او عندى بس مش هما الى انا محتاجهم
هختار حبيبى لو كان بيحبنى اكتر ما انا بحبه
ايه رأيك في اعضاء بمبه عضو عضو؟؟
لا كلهم حلوين اوى وبعدين هما كتير وانا قولت راى فيهم قبل كدا
ويعدين خشى قهوا ولاد وبنات تقريبا موجوده فيها

بس خلاص
اوك

الاسئله فى وقت لاحق

ماتتأخرش

هسال بوسى ؟

ازيك يا بسبس؟

مين الى جنبك الوقتى ؟

بتفضلى انهى اصحاب (اصحاب الثانويه والى قبلها .ولا اصحاب الجامعه )
ما هو مفهومك للصراحه ؟
وايه مفهومك للكدب ؟
ايه شعورك لما حد يكدب عليكى بسبب تافه ؟
والعكس ؟
اختارى 4 اعضاء بمزاجك وقلى ايه رايك فيهم
من حيث الشخصيه ومدى العقلانيه ؟

دى حاجه كدا بقا الى جايه دى

العائلة الكريمة
عرفينا على عائلتك
مهنه والدك؟
مهنة والدتك؟
اخواتك؟ وكلياتهم؟
من عائلة متوسطة المستوى ام اغتياء وفلوس وحركات؟
ندخل على المدرسة؟
كنتى بتلعبى فى الشارع؟ بتحتى تلعبى ايه؟ ومع ميييييييييييييييييييين؟

حكايه الوتش( السندوتش)اللى كان ماما بتعملهولك؟ كنت بتاكلية ولا بتخبى فى الشنطة وترمى؟
مصروفك وانتى فى الابتدائى؟

الفن
اجمل فيلم؟
اجمل ممثل؟
اشيك ممثل؟
احلى مغنى؟
اجمل مغنية؟
احساس مغنى؟
بس كدا

انتي فين يا بسبس؟؟؟؟؟؟؟؟

هسال بوسى ؟
وماله

ازيك يا بسبس؟
ان شاء الله تمام

مين الى جنبك الوقتى ؟
جدتي بتأكل مرمر

بتفضلى انهى اصحاب (اصحاب الثانويه والى قبلها .ولا اصحاب الجامعه )
قبل الثانوي ماليش اصحاب خالص وفي الثانوي قليلين جدا مي وساسو وميس كيكا
اصحاب الجامعه انا في رايي افضل لاننا خلصنا مرحلة المدارس ولعب العيال والمفروض دلوقتي ان تفكيرنا بقى افضل ربنا يستر بقى وماغيرش رأيي

ما هو مفهومك للصراحه ؟
انا عارفه انت تقصد ايه عموما مش هاقولك غير ان انا كدا صريحة واللى يزعل من الصراحة يشوفله حد غيري يغني عليه

وايه مفهومك للكدب ؟
احيانا بيبقى مطلوب علشان ترضي ناس ومانكرش اني احيانا بضطر له

ايه شعورك لما حد يكدب عليكى بسبب تافه ؟
ممكن توصل اني اقطع علاقتى بالشخص دا نهائي
واللى يكدب في الصغيرة يكدب في الكبيرة

والعكس ؟

اختارى 4 اعضاء بمزاجك وقلى ايه رايك فيهم
من حيث الشخصيه ومدى العقلانيه ؟
مي عقلانة بس عيبها انها مترددة في قراراتها او احيانا لما يبقى قدامها مثلا فرصتين والاتنين كويسين مش بتعرف تختار انهي واحده لدرجة انها ممكن تضيع الاتنين

تايجر بتحاول تكون عاقل وتبان متزن بس دي مجرد محاولات
ياترى لو اتحطيت في موقف حقيقى هاتعمل ايه بقى

ميدو المفروض ان عقلك اكبر من كدا والمفروض اننا اصحاب يعني مش بمزاجك تبعد
وياريت الموضوع دا ينتهي

زكزك الهروب مش حل مش علشان جو المنتدى بقى فيه مشاكل يبقى تبعد المفروض لو فعلا كنا كلنا اسرة مع بعض نفضل سوا
واضح ان كل واحد كان بيقول كلام وبس

دى حاجه كدا بقا الى جايه دى
العائلة الكريمة
عرفينا على عائلتك
مهنه والدك؟
مهندس زراعي
مهنة والدتك؟
رعاية شباب في كلية الهندسة
اخواتك؟ وكلياتهم؟
محمد مخلص حقوق وبيشتغل محامي واختي بتعمل ماجستير اعلام
من عائلة متوسطة المستوى ام اغتياء وفلوس وحركات؟
مش فاهمه ايه سبب السؤال
ندخل على المدرسة؟
كنتى بتلعبى فى الشارع؟ بتحتى تلعبى ايه؟ ومع ميييييييييييييييييييين؟
بلعب مع جيرانا كورة وبالعجل

حكايه الوتش( السندوتش)اللى كان ماما بتعملهولك؟ كنت بتاكلية ولا بتخبى فى الشنطة وترمى؟ لا كنت باكله

مصروفك وانتى فى الابتدائى؟ 7 في الاسبوع

الفن
اجمل فيلم؟ مملكة الخواتم
اجمل ممثل؟ احمد عز
اشيك ممثل؟ هاني سلامة
احلى مغنى؟ خالد سليم
اجمل مغنية؟ دارين حدشيتي
احساس مغنى؟ كاظم طبعا
بس كدا

لا والنبي ماتخليك شوية

نوووووووووووووو
كومنت
يا .............. يا بوسى باشا

فين الاسئله يا بسبس؟؟

مان اوف لو

1- ايه معلوماتك عن نفسك
2- انت ليه متعود تفهم الناس من وجهه نظرك
3- انت مرة كلمتنى على الايميل وسألتك تقصد ايه بردودك في موضوع رسالة نفسك توصلها
قلتلى ان في حاجات انا معرفهاش بس هاعرفها في وقتها
وقتها دا امتى بقى
4- ايه العيوب اللى شايفها في المنتدى كنظام وكاعضاء

اسئلة شخصية
احلى واسؤ حاجة حصلتلك في حياتك
انت شايف انهي احلى وقت في حياتك الماضي ولا الحاضر ولا المستقبل
على اي اساس اخترت دراستك في حقوق

وكفاية عليك كدا شكلك اصلا مش طايقني

1- ايه معلوماتك عن نفسك
شخص عادى له طموح جامدا جدا نفسه يحققه. بتعصب وبغضب بسرعه بس بسامح اسرع اتعلمت من الحياه اكتر من الدراسه بس دا اللى اقدر اقوله
2- انت ليه متعود تفهم الناس من وجهه نظرك
هوة مش تعود هو انا اه بفهم الناس من وجهه نظرى بس دا مش بيكون من اول مقابله ليهم واللحمدلله مفيش واحد فهمت شخصيته غلط لحد دلوقتى
3- انت مرة كلمتنى على الايميل وسألتك تقصد ايه بردودك في موضوع رسالة نفسك توصلها
قلتلى ان في حاجات انا معرفهاش بس هاعرفها في وقتها
وقتها دا امتى بقى

الموضوع دا خلاص اتقفل وانا مش بحب ابص ورايا
وشايف انه الاحسن مش يتفتح تانى

4- ايه العيوب اللى شايفها في المنتدى كنظام وكاعضاء
بلاش الاجابه على السؤال دا علشان مبحبش حد يزعل منى
اسئلة شخصية
احلى واسؤ حاجة حصلتلك في حياتك
احلى حاجه ان انا قدرت اعتمد على نفسى
اسؤ حاجه ان انا طلعت من اخر اختبارات الكليه الحربيه
انت شايف انهي احلى وقت في حياتك الماضي ولا الحاضر ولا المستقبل
المستقبل بأذن الله
على اي اساس اخترت دراستك في حقوق
انا اخترت كليه الحقوق لان انا شايف انها اكتر كليه تناسب شخصيتى
على الرغم ان مجموعى فى الثانويه كان كبير وبردو لحلم ممكن يتحقق وممكن لا دا بعد اما اخلص بأذن الله
وكفاية عليك كدا شكلك اصلا مش طايقني
مفيش حاجه وحشه بينى وبينك علشان تخلينى مش طايقك

ياااااااااااه

قطعت قلبى ياض
فين اسئلتك
هو كل شويه ادخل اقول لكل واحد
يحط اسئله ولا ايه

ال الواد بيحس اوى

وبعدين انا مش قولتلك بليل يااااااااض

يالا بئا يا محمد
ماهو بالليل جه اهو

ندا (اهو مش مكبر دماغى )

ايه اكتر موقف احرجك؟
ايه اكتر موقف مستحيل تنسيه ؟
موقف وحش ؟ وموقف حلو ؟
ايه اكتر موقف ضحكك ؟
هل انتى راضيه عن نفسك؟
ما هى جوانب الضعف والقوة فى شخصيتك" الايجابيات والسلبيات" ؟
بتقضى يومك ازاى؟
مين اقرب حد ليكى هنا فى المنتدى؟
هل عندك هواية نفسك تمارسيها بس وقتك مش سامح ؟
قوليلنا عيوبك
قوليلنا اكثر حاجة مميزة فيك ؟
انتى أذيتى حد قبل كده ؟
تقدرى تضحكى في الوقت اللى لازم تبكي فيه؟
ايه الاسم اللى تحبى يتقالك؟
وشكرا

يعني دا جزائي يعني يا محمد

طيب انا هجاوب لما ارجع ان شاء الله

ندا (اهو مش مكبر دماغى )
ماشي يا سيدي(ياريتك كبرتها) Very Happy

ايه اكتر موقف احرجك؟
مره كنت هحضر محاضره والمحاضره دي كل الدفعه بتحضرها وكانت زحمه موت ومش في مكان اقعد فيه رحت اخدت الكرسي بتاع الدكتور من علي الاستادجوقعدت عليه(اصلا الدكتور دا مش بيقعد),المهم جه الدكتور وكان عاوز يحط الجاكت بتاعه علي الكرسي ولما مش لاقاه راح عم بدير(الفراش بتاعنا)نده في المايك اللي معاه الكرسي يا بشمهندسين يجيبه بدل ما انزل انا اجيبه،طبعا اتحرجت اوي ورحت اديتهوله
بس الدكتورحط الجاكت بتاعه فوق الكرسي ونزله لي تاني اقعد عليه لما عرف اني انا اللي كنت قاعده عليه,اتبسطت اوي ساعتها Very Happy

ايه اكتر موقف مستحيل تنسيه ؟
موقف كدا مش ينفع اقوله Laughing

اصله مسخره اوووووووي

موقف وحش ؟ وموقف حلو ؟
الوحش/ هو نفس الموقف المسخره دا
الحلو/ لما الدكتور عرف اني انا اللي كنت قاعده علي الكرسي واداهوني اقعد عليه

ايه اكتر موقف ضحكك ؟
مره خرجت انا وقريبتي وهيه ماشيه شبشبها اتقطع وكنا ادام كافي شوب
وياعيني مش عارفه تتحرك خالص لا يمين ولا شمال والناس عماله تبص لنا وانا وهي واقفين مسخسخين ومش عارفين نعمل ايه

هل انتى راضيه عن نفسك؟
اكيد لا

ما هى جوانب الضعف والقوة فى شخصيتك" الايجابيات والسلبيات" ؟
الايجايبات/ الحمد لله قريبه من ربنا الي حد ما,بحب كل الناس حتي اللي بيحقدوا عليا برضه, مش بتمني الشر لحد,نفسي اسعد كل اللي حواليا,مش بحب النكد
السلبيات/ لو اي حد قلل من كرامتي مهما كان بخسره للأبد ومش بقبل منه اعذار,بحكم عقلي كتير اوي علشان كدا قلبي مش بيرتاح ابدا.

بتقضى يومك ازاى؟
بقوم الصبح بدري اتوضا واصلي Very Happy

وانزل الجامعه وارجع اقعد علي النت شويه
وبعدين اتفرج علي التي في وانام وانا بتفرج عليه.

مين اقرب حد ليكى هنا فى المنتدى؟
مي(صحبتي من 9سنين)

هل عندك هواية نفسك تمارسيها بس وقتك مش سامح ؟
وانا كنت صغيره كان نفسي اتعلم مزيكا واعرف اعزف,بس للأسف مش سنحت ليا الفرصه(حلوه سنحت دي) Very Happy

قوليلنا عيوبك
نرفوزه اوي ولما بتخنق اوي مش بعرف اميز مين اللي ادامي,وبتخنق مووووووووووووووت من العيال الرزله Mad

الي جانب اللي انتوا شايفينه يعني Very Happy

قوليلنا اكثر حاجة مميزة فيك ؟
بيقولوا اني عشريه

انتى أذيتى حد قبل كده ؟
اتمني اني مش اكون اذيت حد
لاني دايما احب اني ابت مظلومه ومش ابات ظالمه

تقدرى تضحكى في الوقت اللى لازم تبكي فيه؟
كتير جدا بعمل كدا(بس بضحك ودموعي بتنزل لوحدها)

ايه الاسم اللى تحبى يتقالك؟
دودو

شكرا
اي خدمه يا ميدو Very Happy

فين الاسئله ياندا؟؟؟؟؟؟؟؟

هنجرى على بعض تانى

معلش يا جماعه بكره بئا ان شاء الله هحط الاسئله
انا النهارده متدمره pale

الف سلامة عليكي يادودو