لعبه ...............................الصراحه ؟؟؟

والله اجابتك جامده يا مانه
بس خدى هنا
فين اسئلتك
يلا شوفى هتسالى مين ؟؟
واكتبيلوا الاسئله

YA TARA HAUKON MEEEEEEEEN?

تمام كدا
بس على فكره هو شخص واحد الى تساليه
مش اتنين
زى لعبه الصراحه الى بتتلعب فى الكليه
المهم انا هجاوب
وزرو يجاوب برده
بس المره دى بس
نبع القوانين


ازاي بتتعامل مع الناس ؟؟

بتعامل معاهم زى ما هما بيتعاملوا معاى
لكل واحد انا لى طريقه معاه



ايه احلى حاجة في الدنيا؟؟؟
مفيش حاجه حلوه فى الدنيا



اكتر حاجة ممكن تخليك تحس بالندم؟؟

انى اكدب على حد وثق فى


مين اكتر حد تثق فيه

امى ثم امى ثم امى




اسرارك ممكن تقولها لاختك ولا اخوك اكتر؟؟

ولا اى حد منهم اسارى بكلم مع نفسى فيها


بتحب القراءه لو اه قولى ايه نوع الكتب اللى تحب تقراها؟؟
بحبها اوى بحب اقرا سلسله الرجل المستحيل وكل حجات المولف فاروق نبيل
والقصص الى بيبقى ليها مغزى



رياضتك المفضلة
؟؟
هى كره القدم بس انا الوقتى مصاب
بس بعوض فى البلاستشين


مين اكتر عضو تحب تقرا مواضيعه؟؟
والله كل المواضيع حلوه والا عضاء حلوين اوى


اصعب موقف مر عليك؟؟
موقف الوداع مش لازم اقول تفاصيل




اكتر حاجة مش عاجباك في شخصيتك؟؟
البطئ انا دايما متاخر

شكرا على الاسئله

وبالنسبه للى هيسال زورز الى هو هانى
هى الى هيسال العضو الى هو عايزه هو الى هيحتار

فله الاسئلة دي

ياريت تبقوا تبعتوا رساله خاصه للعضو علشان يدخل يجاوب

تسلم على التوبيك الهايل يا مان

انا هسئل محمود شهاب (الى خرم الربع جنيه)
1*ايه اللون الى بتحبه ؟
2*يا ترا بتحب ؟
3*فى بنت كنت بتحبها مره وقلبتلك ؟
4*ايه اكتر حاجه عجباك فى حياتك ؟
5*نفسك تكون ايه ؟
6*ايه اكبر موقف بايخ حصلك فى حياتك ؟
7*وايه احسن موقف فى حياتك؟
8*لو واحد عايز يضربك ومعه سلاح معاه ناس اصحابه يا ترا هتجرى ولا هتخش تضربهم ؟
9*لو الجيرل فرند بتعتك واحد عاكسه وطلع ولد جسه هتعمل ايه ؟
10*اكتر صديق اعجبت بيه فى حياتك وعمرك مهتنساه؟
11*اوحش صديق فى حياتك وعمرك هتقايل زيه ؟
12* اجدع بنت واحلى بنت يا ترا صدفتها ولا لسه ؟

كفايه كده عليك بس ارجو انك تجاوب بصراحه

كل دي اسئله ياصحبي دانتا داخل عليا سخن اوووووووي !!!
اوكي يامان
ايه اللون الى بتحبه
انا بحب اللون الاصفر

يا ترا بتحب ؟
لسه مش لاقي بنت الحلال والله


فى بنت كنت بتحبها مره وقلبتلك
ابصراحه!!!! لا

ا
ايه اكتر حاجه عجباك فى حياتك
اكتر حاجه عجباني فحياتي ان انا صريح اووووي مبعرفش اكدب


نفسك تكون ايه ؟
انا قولتلك قبل كده يامان انا نفسي اكون مذيع وان شاء الله هسعي اليه


ايه اكبر موقف بايخ حصلك فى حياتك ؟
بصراحه مره كنت ماشي في الشارع ولئيت واحد صاحبي مشفتهووش بقالي زمااان كنا مع بعض في الاعدادي وكده وسلمت عليه وخدته بالاحضان وبعدين بيقولي كابتن كابتن انتا تعرفني !!!!!
وفي الاخر مطلعش صاحبي طلع واحد تاني خااااااالص بجد كان منظري تين شوكي خااااااااااالص


وايه احسن موقف فى حياتك؟
هقول ايه ولا ايه
مره صورت واحد صاحبي فيديو وهوا نايم في الاتوبيس واحنا رايحييييين رحله ونزلت الفيديو بتاعه علي المنتديات بجد كان موقف جااااامد عمري ماهنساه بس لو تعرفوا ياجماعه هوا كان ناااااايم ازاي ههههه
وهوا دلوقتي لسه ميعرفش ميييين اللي صوره !



لو واحد عايز يضربك ومعه سلاح معاه ناس اصحابه يا ترا هتجرى ولا هتخش تضربهم ؟
هوا لو عايز يضربني لوحده هخش اضربه انما لو معاه ناس المثل بيقول اجري نص المجدعه وكمان ناس وسلاح لالالا ياعم الجري كل المجدعه


لو الجيرل فرند بتعتك واحد عاكسه وطلع ولد جسه هتعمل ايه
هتضربه طبعا !!!! بس اول مش هتضربه يعني علي طوول الاول هرد عليه بكلمتين كده لو كشكش يبقي خلاص لو لبخ في كلام هيبقي ضرب وحوارات وانا لما بتعصب مبعرفش اخويا من خالتي



اكتر صديق اعجبت بيه فى حياتك وعمرك مهتنساه؟
اواحد صاحبي انتو مش هتعرفوه اسمه اسامه قلب الاسد




اوحش صديق فى حياتك وعمرك هتقايل زيه
تقريبا مشفتش صديق وحش فحياتي كلهم جدعااان اوووي وكويسين


اجدع بنت واحلى بنت يا ترا صدفتها ولا لسه
هههههههه اكيد ياصحبي وانتا عارف اجدع بنت واحلي بنت هيا الجيرل فرند

بس ايه الاسئله دي حرااااااااااااااااااااااااااااام عليك
ميرسي يامان ليك

انت لسه شوفت حاجه

شكراً محمود على الرد الصريح ده

طب فين اسئلتك
يا محمود
الى يجاوب يحط اسئله
للعضو الى هو عايزه

بما انا محمود بقاله كذا يوم محطش اسئله
يبقى راحت عليه معلش بقا
اصل اللعبه مش راديه تتحرك من مكانها
المهم الوقتى انا الى هسال اعمل ايه

انا هسال سوال واحد بس
ل mai

ايه رايك فى نفسك ؟ راضيه عنها يعنى ولا لا ؟ ايه احلامك ؟

بس

في انتظار مي

بحب انا اوى التسييح دا
بس اوعى حد يطلبنى انا
انا اخوكم الصغير

مسيرك توقع يا عبد السميع

انا عندي احساس انك بقالك فتره متغيره
والتغير ده ليه علاقه بعاطفه معينه ياتري ده صح ولا غلط؟؟؟
ولو صح قوليلنا ايه السبب ولو غلط قوليلنا ايه سبب الكلام الجامد اللي بتقوليه ؟؟؟

هو اكيد انا اتغيرت كلنا بنتغير
التغير ده يمكن بسبب اني بحاول انسي حاجه معينه وبحاول اتكيف علي الوحده

انا احب وافضل انى اررتبط باللى احبها

ولو فيه قصة حب اكيد بيبقى فى بالى دايما انى ارتبط بيها

انا اما هحب واحده مثلا هبص دايما للمستقبل

يعنى هحبها علشان اجوزها

مش علشان اقضى حياتى معاها وفى الاخر كل واحد يروح لحاله

انما لو شوفت انى مش هقدر ارتبط بيها او فيه حاجه مستحيله يعنى واقفه قصادى

طبعا افهمها علشان مظلمهاش معايا

سؤالى ليكى يا موناليزا

انتى رديتى على مى وبتقولى انك بتحاولى تكيفى على الوحده !؟

انا معتقدش حد يحب انه يبقى وحيد

ليه عاوزه تبقى وحيده؟

ممكن تحبى او ترتبطى بواحد اقل منك فى الدرجه التعليمه؟


الصدق ,الاخلاص, الحب , الامانه....قابليتهم في حياتك قبل كده!!؟

زملكاويه ولا زملكاويه؟

مصر بالنسبه ليكى ايه؟

اكتر لون بتحبى تلبسيه ؟

لون استحاله تلبسيه؟؟

المغني والمغنيه اللي بتحبى تسمعيهم عربي او اجنبي؟

احلي اغنيه سمعتيها لحد دلوقتي؟

احلي جمله او تعبير سمعتيه في اغنيه ومعلق معاكى؟

فيلم بتحبيه ؟عربي واجنبي ؟

بتصلي ولا لأ ولا بتمشي علي سطر وتسيبى سطر؟

كفايه عليكى كدا

انتى رديتى على مى وبتقولى انك بتحاولى تكيفى على الوحده !؟
انا معتقدش حد يحب انه يبقى وحيد
ليه عاوزه تبقى وحيده؟
اكيد محدش يحب انه يبقي وحيد زي مانت قلت
بس اوقات بتبقي الظروف اقوي منك
وتبص فجأه تلاقي نفسك وحيد
يمكن يكون انت السبب في الوحده دي
بس عقلك يقولك ان الوحده دي احسن وافضل ليك وللي حواليك
وقلبك يقولك العكس لكن انا بحب امشي ورا عقلي لان اكيد هو الصح


ممكن تحبى او ترتبطى بواحد اقل منك فى الدرجه التعليمه؟
انا معنديش مشكله بس بشرطين
اولهم انه ميكونشي حاسس بكدا علشان مايحولشي يضايقني بعد كدا
ثانيا انه يكون كويس وعارف ربنا ويقدرني ويحافظ عليا


الصدق ,الاخلاص, الحب , الامانه....قابليتهم في حياتك قبل كده!!؟
اكيد كلنا قابلناهم ولقيتهم في معظم اصحابي


زملكاويه ولا زملكاويه؟
لا دا ولا دا انا زملكاووووووويه


مصر بالنسبه ليكى ايه؟
مصر هي امي


اكتر لون بتحبى تلبسيه ؟
البينك والبني


لون استحاله تلبسيه؟؟
في درجة احمر معينه كدا استحاااااااااااااااااااله ابص لها اصلا وبتغيظني


المغني والمغنيه اللي بتحبى تسمعيهم عربي او اجنبي؟
بحب اسمع اليسا وتامر عاشور وانريك اجلاسياس


احلي اغنيه سمعتيها لحد دلوقتي؟
اغاني كتير اوي منها الحب اللي كان لمياده الحناوي وافترقنا لتامر عاشور


فيلم بتحبيه ؟عربي واجنبي ؟
عمر وسلمي وتايتانيك وفرنش كيس وبريتي وومن


بتصلي ولا لأ ولا بتمشي علي سطر وتسيبى سطر؟
انا الحمد لله مش بسيب فرض وبصلي السنه كمان
بس من يوم ما بدأت الدراسه وانا بصلي الظهر قضاء كل يوم


كفايه عليكى كدا
لا يا راااااااااااااجل خد راحتك
مش المفروض اللعبه دي سؤال واحد بس ولا ايه؟؟ :scratch: