لعبه ...............................الصراحه ؟؟؟

احكي موقف ماتنساهوش ابدا سواء حلو او وحش
كنت فى مسرحيه كدا وانا صغير وقبل ما العرض يتعرض وكدا المخرج جه غير السيناريو بتاعى قبل نص ساعه من العرض وقالى احفظ دول بسرعه
فاعدت احفظ وكدا ولما دخلت بقا والجماهير موجوده وتهيس قولت جملتين ومعرفتش الباقى فطلعت الورقه واعدت ابص من تحت لتحت كدا والجماهير شافونى واعدوا يضحكوا وانا كنت فى نص هدومى بس الحمد الله خدوها على اساس انها حاجه من السيناريو

اكتر حاجة اتمنيتها في حياتك وهل وصلتلها ولا لسا بتحاول

الحب الى بجد وتبقى موجوده معاى فى الحلوه والمره وتقدرنى وتقدر الى انا بعمله علشان اوصلها

ليه دخلت كلية اداب مع انها مش مناسبة للشباب محرج مش كدا Very Happy

علشان البنت الى انا بحبها دخلت اداب وانا دخلت مش علشان حبيبها لا عشان هى دخلت اداب

ايه الحاجة اللى مش ممكن تسامح فيها ابدا

ان حد يخدعنى ويخلينى ارطاس جوافه والصاحب الى يجى يقولى انت عليكى لى جمايل قبل كدا

لما شفتك في اداب انت وزكزك كنتو مطقمين مع بعض دي مقصودة ولا صدفة

لا والله هى صدفه مش اكتر ولما حصلت انهارده كانت صدفه برده

كفاية كدا ونلقاكم في السوبر ستار
طيب

اسئلتى لموناليزا

ايه القرار الغلط الى انتى اخدتيه فى حياتك كلها ؟؟
مين الى بتشكيله همك ؟
انتى مين ؟ مش توقلى اسمك لا انتى فاهمه سوالى ؟
يا ترى بتحبى الوقتى ؟ لو لا ليه .؟ واكيد حبيتى قبل كدا ؟ما تحكلنا كدا ؟ بالتفصيل

ايه امنيتك ؟

بس

زائر

يلا يا ندا

ابعتلها رسالة على الخاص ياتايجر

هااااااا يا مسهل

انا بعتلها رساله وهى باذن الله اول ما هنخش هترد وبعدين
انتوا مش اصحاب ما تستعجلوها

اووووووووووووك

اسئلتى لموناليزا
ربنا يستر

ايه القرار الغلط الى انتى اخدتيه فى حياتك كلها ؟؟
اني امشي ورا قلبي

مين الى بتشكيله همك ؟
اصحابي ومامتي

انتى مين ؟ مش توقلى اسمك لا انتى فاهمه سوالى ؟
انا بنت عاديه جدا كل اللي بتمناه من ربنا انه يحقق لي الحياه اللي بحلم بيها

يا ترى بتحبى الوقتى ؟ لو لا ليه .؟ واكيد حبيتى قبل كدا ؟ما تحكلنا كدا ؟ بالتفصيل
لا علشان لسه ربنا مش مقدر ليا اني اقابل فارس الاحلام دلوقتي Very Happy

(بيني وبينك كدا احسن)
طبعا مفيش حد محبش قبل كدا
ومش اي حب دا قصه حب استمرت 6 سنين
طبعا مش هقدر احكي بالتفصيل
بس حصل شوية خلافات وانفصلنا

ايه امنيتك ؟
اني انجح السنه دي من غير مواد Crying or Very sad

(ربنا يستر)

بس
ماشي يا تايجر ليك يوووووووووووم

فين الأسئله يا موناليزا ؟

اسئلتي لميدو ديدو

ايه اكتر موقف ضحكك؟
واكتر موقف احزنك؟
امتي دموعك نزلت؟(بصراااااااحه)
بحس ساعات انك حزين يا تري ايه سبب الحزن دا؟؟؟
بتحب دلوقتي؟
حبيت قبل كدا؟
طب ايه اللي حصل وانتهي بايه؟
مين اقرب انسان ليك؟
بتحب مامتك اكتر ولا باباك؟؟
ايه اكتر حاجه عملتها وندمت عليها؟
ايه الصفه اللي مش كنت تحبها تبقي فيك؟
ايه الصفه اللي كان نفسك تبقي فيك؟
نفسك في ايه دلوقتي؟
بتحلم بحياتك تبقي ازاي؟
ايه احلامك اللي اتحققت وايه اللي مش اتحقق؟

بس خلاص
دي كانت عديتك يا جميل Very Happy

يعني انا غلطان اني فكرتك بالأسئله يا ندى ؟

هجاوب بس بالليل

واحنا امتا الوقتى يا ميدو

اسئلتي لميدو ديدو
يا ويلكم بيك يا جميل

ايه اكتر موقف ضحكك؟
في مواقف كتير اوي الواحد بيضحك فيها من قلبه اخرها كان من يومين في الكلية مع ناس صحابي يومها حسيت ان بطني شدت عليا من كتر الضحك

واكتر موقف احزنك؟
أكيد سفر ماما.... هي صحيح رايحه تحج وده حاجه كويسه بس اكيد زعلت انها بعيده ( ربنا يرجعها بالسلامه )ع الرغم من ان سفر ماما زعلني اوي لكني ما نزلتش دمعه يمكن لأني مش بحب حد يشوف دمعتي بس اكيد حزني كان في قلبي

امتي دموعك نزلت؟(بصراااااااحه)
لما جبت مجموع وحش في 2 ثانوي ماكنتش متوقع اني انزل للدرجه دي

بحس ساعات انك حزين يا تري ايه سبب الحزن دا؟؟؟
هو انا فعلا باين عليا كده ؟... يمكن لأني في بعض الأحيان مش راضي عن نفسي وكمان دايما شايف ان في حاجات ناقصاني.....

بتحب دلوقتي؟
لا.....اعتقد اني حتى لو حبيت مش هاتحب (واثق من نفسي اوي مش كده )

حبيت قبل كدا؟
اه

طب ايه اللي حصل وانتهي بايه؟
حبيتها اوي بس طلعت ما تستاهلش ... سابتني بدون مقدمات او اي مشاكل ( ربنا يوفقها لو كنت ظالمها ) (بيتهيألي دي وضحت شويه كمان انا ليه احيانا بكون حزين )

مين اقرب انسان ليك؟
واحد صاحبي اسمه حسين بس للأسف بسبب الكليه بتاعته بعد ومش بشوفه كتير زي الأول بس هو دايما اكتر حد بيفهمني صح

بتحب مامتك اكتر ولا باباك؟؟
أكيد الأتنين بس انا يمكن مرتبط بأمي اكتر لكن اكيد بحب بابا جدا

ايه اكتر حاجه عملتها وندمت عليها؟
حاجه كده بس مش هاينفع اقولها خاااااااااااااالص..... سوري

ايه الصفه اللي مش كنت تحبها تبقي فيك؟
بتحرج بسرعه جدا ومن اقل حاجه

ايه الصفه اللي كان نفسك تبقي فيك؟
أثق في نفسي شويه...

نفسك في ايه دلوقتي؟
نفسي تايجر يكسب في سوبر ستار المنتدى

بتحلم بحياتك تبقي ازاي؟
اتمنى تكون احسن من حياتي دلوقتي ..... ولكن عموما ربنا يقدرني اكون راضي بحياتي ايا كانت

ايه احلامك اللي اتحققت وايه اللي مش اتحقق؟
انا اتسألت السؤال ده قبل كده وقولت ان مفيش حاجه اتمنيتها وحصلت بس بيتهيأل ان في حاجه اتمنيتها والحمد لله اتحققت (ان بابا مش بيجبر عليا حاجه اني اعملها في حياتي دايما سايبني بحريتي بس لو حس اني بعمل حاجه غلط او اني باخد قرار ممكن يكون غريب شويه في الحاله دي لازم يتكلم معايا ويسمع وجهة نظري ولو ما اقتنعش لازم يصححلي من غير مايفرض عليا حاجه من الأخر الحمد لله ابويا بيعرف يتعامل معايا صح مهما اختلفنا ... بيتهيألي دي حاجه كويسه اوي )

ايه اللي اتمنيته وما اتحققش..... اكيد اني ادخل كلية هندسة

اتمنى اكون جاوبت كويس واني ماكونش ضيف تقيل

الأسئله بكره ان شاء الله

نفسك في ايه دلوقتي؟
نفسي تايجر يكسب في سوبر ستار المنتدى

قلتلك محدش فيكو هايفلت منها

يا مهسل

زائر

يارب

هااااااااااااااااااااااانت

ايه يا جدعااااان
انتم محسسني اني اتأخرت شهوووووووووور
ما علينا اسألتي لـــــ

مي

1-ايه هي حكمتك في الحياه ؟
2-هواياتك ؟
3-اكتر يوم كنتي حزينه فيه ؟
4-أكتر موقف ضحكك
5-بتحبي ؟ لو اه من امتى ؟(عايز اجابه واضحه وصريحه وانت فاهمه قصدي طبعا والأنكار مش هايفيدك )
6- عمرك ظلمت حد من اعضاء المنتــدى ؟ ولو حتى بالظن السيئ جوا نفسـك ؟
ولو اه .... مين هو ؟ .... وليه ؟
7-هل حسيتى مرة بالذنب بعد قرار انت اخدتية ؟؟
8-اية اكتر رد فى موضوع انتى عملتية حسيتى انك عاوزة تضربى صاحب الرد بالجزمة؟
9-ايه اكتر موقف حصلك وفرحك وحسيتي فيه بسعاده ؟
10- تقولي ايه لــــ:
*مي (انت يعني )
*بوسي
*سمسمه
*موناليزا
*تايجر
*هاني
*بلال
*زكزك
*وأخيرا تقولي ايه لسعادتي وفخامتي وحضرتي الشخص المتواضع حفظني الله العبد الفقير الى الله الغير متعالي او مغرور بالمره لا سمح الله طبعا المقصود بالكلام ده هو سموي وعظمتي (ميدو ديدو )

بالشفا ان شاء الله يا مي

ويييييييين مى وين

ايه يا عم براحتنا ننادى عليك فى اى وقت
وبعدين احنا ننادى وانت تقول سمعنا وطاعا
وايه الرغى ده كله
هو الساندوتش بتاع امبارح عمل شغل فى وقتها والنهارده
وشامعنا عمل معاى العكس

ههههههههههههههههههههههههه
أصل الساندوتش ده للرجال بس ياض
اصل اسمه .......

زائر

midodido كتب:

7-هل حسيتى مرة بالذنب بعد قرار انت اخدتية ؟؟
اها بس ديما بتعلم بدل مابندم

8-اية اكتر رد فى موضوع انتى عملتية حسيتى انك عاوزة تضربى صاحب الرد بالجزمة؟
والله مش عارفه يا احمد

9-ايه اكتر موقف حصلك وفرحك وحسيتي فيه بسعاده ؟
صحابي كانو طالعين رحله في الكليه
وجم كل واحده جيبالي هديه شكل
وفيهم واحده جيبالي مصحف
بس بجد فرحت اوي اوي حسيت انهم فاكرني ديما

10- تقولي ايه لــــ:

*مي (انت يعني )
ازيك يا بت وحشتيني

*بوسي
ربنا يحققلك اللي بتتمنيه

*سمسمه
وحشتيني خالث وعاوزه اشوفك جدا

*موناليزا
اتجدعني يا دودو وانشاء الله اشوفك اكبر ديزاينر في مصر

*تايجر
دمك زي العسل بس والنبي انسي النصايح بتاعتك دي

*هاني
ماتتغيرش مهما الدنيا اتغيرت حواليك

*بلال
ربنا يوفقك وتبأه مهندس كبير

*زكزك
عاوزه اشوفك ديما مبسوط
وعاوزاك تثق في نفسك اوي لان مافيش اي حاجه فيك وحشه

*وأخيرا تقولي ايه لسعادتي وفخامتي وحضرتي الشخص المتواضع حفظني الله العبد الفقير الى الله الغير متعالي او مغرور بالمره لا سمح الله طبعا المقصود بالكلام ده هو سموي وعظمتي (ميدو ديدو )

هههههههههههههههههه كل ده
هقولك ايه يعني
اشوف فيك يوم يا بعيد او ياقريب
بس يوم حلو كده
ربنا يوفقك يا احمد ومتوقعالك حاجات كويسه كتير اوي

بالشفا ان شاء الله يا مي

ليك يوم يا احمد نردهالك ان شاء الله

اسالتي لبوسي

تتمني ايه الوقتي؟؟
خايفه من حاجه؟ لو اه ايه هي؟
ايه هي خططك الايام دي
ايه اخر حلم حلمتيه مش حلمتيه نفسك تحققيه لا حلمتيه وانتي نايمه؟
اخر حاجه ايجابيه عملتيها
اختاري عضوين وانصحيهم نصيحه

جاوبي يا بوسي

شكراااااااااااااااا

اها ظلمت
انت يا ميدو
عشان كنت عضو لسه جديد واول اما دخلت قبل ماتعمل اي مشاركه بعت رساله برايفت
فطبيعي اخد عنك فكره مش كويسه
بس طلعت العكس

اولا الحمد لله اني طلعت العكس

ثانيا انا ع فكره كنت بكتب السؤال ده وحاسس اني هاشوف الأجابه دي

ليك يوم يا احمد نردهالك ان شاء الله

مستنيكي قريب في سوبر ستار

زائر

ههههههههههههههههههه اكيد طبعا
نورت ياباشا