قهوه ( ولاد وبنات )

مش هارد الوقتى خلينى لما اشوف مشاركات تانيه

اللي بيحب بجد هو اللي بيسامح بجد بس طبعا مش علطول
علي حسب حجم الغلطه والضرر النفسي اللي بتسببه غلطة الحبيب لحبيبه
لكن لازم الحبيب الغلطان يكون معترف بغلطه دا ويوعد حبيبه انه مش هيتكرر
في الحاله دي ممكن يسامحه
لكن لو بيكابر بئا وكدا يبقي اكيد محدش هيسامحه

التسامح من وجهه نظرى مطلوب اما يكون فى حب حقيقى بين الطرفين بس ده نادر دلوقتى

دلوقتى امتا تحسى اصلا انك بتحبى حب بجد والشخص الى ادامك ده يستاهل
اعتقد اننا لسه منعرفش ان الشخص ده يستاهل ولا لا
لانه اكيد انت حسيت ان هو يستاهل لانه
قولت له كلمه بحبك ودى اكبر كلمه بتهزا قلوبنا
فاكيد الشخص ده هيكون يستاهل بس مش صعبه اوى
لما نحس بعد كدا ان هو بيجرحنا طب لو جرحنا هنعمل ايه
اكيد هنكون شبه ميتين لان فى انسان عشنا معاه اجمل واحلى لحظات
فى عمرنا ونفس الشخص ده خلانا نعيش اسوا ايامنا
بس لو الشخص ده رجع بعد ما جرحك
وقاللك انا اسف اوى انا بحبك جدا هيكون ايه رد فعلنا هنسامحه
ولا هنجرحه زى ما جرحنا مع العلم ان هو كان فى يوم سبب سعادتنا
يا ترى هسامحه مع انى لسه بحبه ولسه بفكر فيه ولسه بفتكر ايامنا
ممكن بقا فى الحكايه دى حاجه اسمها تسامح فى الحب

اه انتى عندك حق
طيب لو انتى لسه فيكى مشاعر من جواه
يعنى مثلا خرجتى انتى واصحابك ورحتوا كافى
والكافى ده كنتى انتى وهو بتعدوا فيه
ولقيت نفسك كدا رايحه وانتى مش حاسه للنفس الكرسى الى انتى كنتى بتعدى معاه فيه
وفى يوم مثلا انتى ماشيه شوفتيه اكيد هيحصل حاجه
طالما انتى لسه فى جواكى حجات بتقطعك من جوه اكيد ممكن تسامحيه
لو انتى حسيت ان هو بيحبك بجد
طب انتى هتقوليلى طب ليه عمل كدا انا بقا ساعتها هاقوللك معرفش
انا مش عارف ليه نقول لشخص انا بحبك اوى ومش قادر اعيش من غيرك
وانت كل حاجه فى حياتى وبعدين اجرحه واعيش فى فى موووووت طول الايام دى
مش عارف والله ليه
بس الوقتى لو جه تانى واعتذرلى وانا لسه بحبه وعايزه ومحتاجه كمان هاعمل ايه
يا ترى هيكون فى تسامح ولا لا ولا هيكون فى ايه
صعبه اووووووووووووووى صح ؟؟؟

(الرجالة ماتوا فى الحرب )
اكتر جملة بضيقنى بسمعها من البنات


بسمعها غصب عنى كتير بيبقى منفعل جدا وبيبقة نفسى اروح البنت الى بتقولها واديها قلــــــــــــــــــــــــم (ح ب ر )

ماااااااااااااااااااااشى يا سيدى

(الزواج مقبرة الحب)

يا تري المقوله دي صح ولا لا؟؟؟؟؟؟؟؟؟؟
انا عايزه اعرف رأي كل الشباب والبناتيت
مستنيه مشاركتكوا................

بصى انا هاقوللك هو الزواج لا يقتل الحب فى ذاته بصى هى التصرفات بتاعت الزوج والزوجه وانها متبعين روتين معين يعملوها وده طبعا بيودى الى الملل ما بينهم هما الاتنين بس لو هما اتبعوا التجديد الدائم فى الشكل والحوارات الى بتحصل بينهم وغير كدا انهو كل يوم يعدوا الاعده الجميله مع بعضهم ويفتكروا الايام الحلو والايام الجميله والمساله الوقتى فى المرحله الاولى الى هى تعتمد على شخصيه الزوج والزوجه وحرصهم هما الاتنين على التجديد ومش يبصوا للعند الناس او يحطوا مقارنات بينهم وبين حد تانى والى بيته من ازاز مش يزقل الناس بالطوب
ومش يحطوا فى دماغهم ان الناس التانيه احسن منهم ويفكروا ان الحياه مش مجرد انها شهر عصل علكول لا لازم وجود جهد للطرفين
والمشكله برده انهم لازم يفكروا انهم لازم يضحوا فى سبيل المستقبل
بس

شكرا لمرورك يا تايجر
بس انا متهيألي ان كلامك مش واقعي
يعني مفيش اتنين بعد الجواز يقعدوا مع بعض يفتكروا الايام الحلوه
دا لو قعدوا مع بعض اصلا
كل واحد بيبقي متحمل مسئوليه كبيره سواء الزوج او الزوجه
وكل واحد بينشغل بمسئوليته دي والروتين بيبقي اساس الحياه
وبالتالي بتبقي طبيعي حياه ممله جدا ويبدأ مشوار الخرس الزوجي

مستنيه باقي المشاركات.......

ازاى كلامى مش واقعى
مش تقولى علشان ان باباكى ومامتك انتى شايفهم مش بيعدوا مع بعض او بيحكوا لبعض ويمكن يكونوا بيتخانقوا انك انتى شايفه ان الجواز هيكون كدا او انتى هتكونى زيهم فى يوم من الايام
لا ده مش صح فيها ايه لما مثلا لما ارجع من شغلى الاقى مراتى حطالى الاكل واعدين بناكل وبعدين انام ولما اصحا اعزم مراتى على العشا او اعد اكلم معاها وفى ايدنا دفتر صور بنفتكر الايام
فيها ايه لما وانا جاى من الشغل اجبلها ورده من ام ربع جنيه دى بس هى مش هتبص على تمنها هى عندها الورده دى اغلى حاجه فى الدنيا فيها ايه لما انظم حياتى على كدا وفيها ايه لما تخانق انا وهى وانزل مثلا من البيت وارجع اجبلها هديه هى هتفرح كدا وهتحب كدا والكلام ده فى ايدينا احنا والكلام ده فى دماغنا مش كلام افلام والله بس انا هاعمل كدا باذن الله وهاظبط حياتى على كدا ده بالنسبه لى وهاشوف مراتى احسن واحده فى الدنيا حتا لو عجزت هى برده هاشوفها كدا
والناس الى بتتهبل وتتجوز تانى دى على زوجاتهم دول ناس عبط بس برده ممكن ان الزوجه مش اديتله الحجات الى هو كان محتاجها

ايه اللي دخل بابا وماما في الموضوع دلوقتي
دول ناس بقالهم 30 سنه مع بعض(الله اكبر)
انا بتكلم علي جوازات اليومين دول
والكلام اللي بقوله ليك دا علي لسانهم
ودا شئ كويس انك تظبط حياتك بالطريقه دي
واتمني ان كل الشباب والبنات تفكر زيك
بجد مش هيبقي في مشاكل
بس في ناس بتدور علي المشاكل والكابه
دول حياتهم بتبقي صعبه اوي

ماشى ماشى ايه يعنى 30 سنه مع بعض
انا ابوى وامى بقالهم 26 سنه مع بعض مش فرقت على 4 سنين
وبالنسبه للجوزات بتاع الايام دى والى انتى بتقولى دا على لسانهم
انتى بتسالى الى انت تعرفيهم بس مش كل الناس
بس فى الحلو وفى الوحش

طب الولد بيبقا رومانسى علشان شايف حبيبته احلى حاجه فى الدنيا قبل الجواز وفى الخطوبه كمان بيكون الواد ده جامد اخر حاجه يعنى
ليه هو كدا اصلا قبل الجواز ليه هو رومانسى علشان شايف فى حبيبته كل حاجه حلوه اذا كان فى تصرفات واخلاق وكل حاجه هو عايزه
بعد الجواز بقا ليه مش تجيبوا التقصير من البنت ذات نفسها وان هو اكتشف حجات تانيه غير الى هو كان شايفها معاها

ويا ترى يا بوسى هو ممكن يكرها
بعد ما كان بيحبها اوى

انا رأيي ان الموضوع مش في ايد الزوجه بس
دي مسأله مشتركه بين الزوج والزوجه
لازم كل واحد من الاتنين يحاول يسعد التاني
ويعرف ايه اللي بيضايقه ومش يعمله
وبكلمه حلوه بس ممكن تغير حاجات كتير
واكيد هتبقي حياتهم احلي

اديكى قولتى اه
يعنى فى ايديهم الحياه تكون تعيسه وبرده فى ايدهيم انها تكون حلوه

ايه محدش عاوز يشال على حاجه قبل العيد

اكيد الشاب الروش بيكون مجلجل شعره ومطوله ومكهربه
وممكن يكون حالقه كله وسايب الحته اللي في الوسط
واكيد بيكون لابس لو ويست وبدي قصير
وبياكل لبانه ولابس نضارة شمس بالليل

يعني بيكون غلط في غلط وانا عن نفسي مش بحب اي روشنه
سواء للبنت او الشاب

انا اقصد الروشنة اللى تتحب

يعني الاستايل اللى تحبيه مش تتخنقى منه