قهوه ( ولاد وبنات )

دلوقتى انا عايز اسال سوال بس للبنات بس

فيه حاجه اسمها 00 كبرياء الانثى 00

لو البنت محستش من جواها انها جميله ( طبعا مش جمال الشكل بس )

اللى حوليها مش هيحسوا بجمالها

هل ده فعلا كبرياء ولا غرور ونرجوا التفسير ؟؟

زائر

كبرياء الانثي مش معناه ان البنت تحس فيه انها جميله يا تايجر
ولا اخلاقيا ولا شكلا ولا علما ولا اي حاجه لا
والكبرياء كمان ملهوش اي علاق لا بالجمال ولا بالغرور
الكبرياء اللي تقصده في الانثي بيبأه في الانثي بطبيعة انها انثي
بمعني لان الانثي غاليه والمقصود فيها انها لازم يكون نفسها غاليه عليها بمعني اخر ان حتي الابتسامه دي متطلعهاش الا بمناسبتها
ده طبعا مش معناه انها تبأه ضاربه بوز
اقصد ان كل شئ بتعمله بيبأه بحساب
زي الجوهره الغاليه اوي لازم يتحافظ عليها جدا لان اقل خربوشه ممكن تبوظ شكلها
فده الكبرياء اللي هو ان لازم تكون حاسه ان هي غاليه جدا زي الجوهره ماتبقاش في ايد الا اللي يستحقها
وده مش معناه غرور خالص لان زي ماقولتلك ان دي بطبعها انثي هي اصلا غاليه
فلو واحد كلم واحده وهي بصتله بأرف او زرفته شلوط او حتي غزته بمطوا
ميقولش انها بتتنك عليه بس هو اصلا مش من حقه انه يكلمها
يارب تكون فهمتني تقبل تحياتي يا تايجر

كلامك صح يا مى
بس اما تزيد عند حدها بتبقى غرور و تكبر

اقتباس :

بس فيه حاجه اسمها اسلوب وتفاهم لو اللى كلمها كلمها باحترام
تبصله بارف برده؟

ماشى ما علينا انتى كلامك صح
بس انا عايز اقوللك حاجه فى بنات كتير مغرورين جدا جدا
مش علشان انها انثى بس لا علشان حجات برده كتير
الغرور مش بالحمال بس وكدا
بس صدقينى هتلاقى النوعيه دى كتير هى يمكن مش فيكى او
مش من حد من اصحابك بس اكيد هتلاقيها فى يوم من الايام وهقولى ان ده غرور

زائر

يا تايجر انت اساسا مش بتتكلم عن الغرور
يعني موضوعك الاساسي مش الغرور كصفه
الغرور كصفه موجود في البنات وموجود في الرجاله
بس نسبته اكبر في البنات
لا برده بيبأه غرور فيه كمان موضوع الكبرياء ده
بس فيه بنات كتير جدا جدا بيبأه طبعهم انطوائيين مبيعرفوش يكلموا بنات زيهم ويجي واحد يكلمها او يرزل عليها باحترام او غيره بأه بس اكيد اقل حاجه هتعملها هتبصله بأرف او مش هترد عليه
هو هيقوم مفسرها غرور
انما منقدرش نقول ان الغرور فيالانثي بس لا
الغرور في الانثي وفي الرجل
والله والله واسالوا بوسي حتي كان في واحد معانا في المحاضره
واد كده عنيه ملونه وابيض شكله حلو حبتين
انا بيتهيألي كان بيجي الجامعه مخصوص عشان يبص للبنات والشباب بأرف ويروح بيتهم
مشوفتوش الا وهو بيبص بأرف كده
ممكن يكون هي دي البصه بتاعته وممكن يكون هو ابن اربعه واحنا ولاد تسعه
الله اعلم

بالنسبه للموضوع بتاع الغرور ده انا مش بكلم على موضوعى انا بكلم على ردك سا مى
وبعدين احنا مبنقولش ان بصت البنت للولد بارف ده غرور ولا حاجه مش بنقول كدا
المشكله الوقتى انكوا انتوا مش شايفين ان ده كبرياء او غرور

زائر

لا طبعا البنت بتبأه اولا حاسه باحراج
ثانيا بخوف لانها ممكن لو ردت علي واحد متعرفش اللي قدامها ده هيفكر ردها بايه
ثالثا بتخاف علي سمعتها لو حد شافها بترد عليه وانت عارف ان المجتمع المصري يعتمد علي السمع اكتر من اي حاجه
واخيرا بتحس بكبرياء

ممكن برده
بس ده برده ميخبيش ان فى بنات مغرورين وكتير كمان وقليل اوى ان فى بنات عادين
صح ولا ايه

صح

بس متنساش ان الصفات دى موجوده فى اى بنى آدم

يعنى مش شرط ان البنات مميزين انهم كدا

لا وفيه من الولاد كدا برده

فيه بنات بقى

لو ولد شكله مش مسمسم يعنى جه كلمها تبصله بقرف ومن فوق لتحت كدا

زى متكون بتقول انا اكلم الاشكال دى

حتى ولو الولد كان محترم

ولو جه واد امور مسمسم

تتمنى يعدى من جنبها

واه بقى لو سالها

تكلمه وعنيها بتقول اسال كمان

ولو مش اسلوبه حلو تضحك على اى حاجه بتقوله

المهم عندها الشكل

انا بقول فيه بنات كدا مش كلهم

ايوه انت معاك حق بس النسبه عاليه فى البنات اوى اوى
فى الولاد تلاقى فارد نفسه يقوللك
محدش يعرف يعمل معاى حاجه
وطبعا الكلمه المعروفه ولا انت ولا عشرة زيك

ههههههههههههه
ايوه معاك حق

ادى واحد اعترف اهو

طيب يلا اللى بعده

اسمحولي بقى انا ليا رأي

المسؤلية مش مسؤلية الولد او البنت لواحدهم
هو صحيح احيانا بتكون البنت هي السبب واحيان كتير اوي بيكون الولد هو السبب

بس المسؤليه الأكبر- من وجهة نظري- هي مسؤلية المجتمع ككل
بصراحه انا بحس ان الناس ماعدش عندها مروءة
يعني مثلا انا والله لا بعاكس بنات ولا بحب اشوف واحده بتتعاكس والحمد لله
بس لو انا شوفت واحده بتتعاكس وشايف انها محترمه ومؤدبه وفي حالها وجيت ادافع عنها ولا جيت اضرب اللي بيعاكسها ده يا ترى لو الواد ده وهو طلع عيل جامد ومد ايده عليا يا ترى هلاقي اللي يقف جنبي ؟ ولا هايكون رد الفعل المعتاد والسهل يا عم انت مالك؟ ايه اللي حشرك؟ ماتخليك في حالك؟ هي تقربلك ؟
ومش بعيد لو الواد ده طحني مفيش حد هايسأل فيا
طبعا انا مش بقول كده علشان انا خايف اني انضرب وطبعا انا لو شايف ان دي فعلا تستحق اني ادافع عنها اكيد مش هاتأخر لحظه
لكن تعالى بقى لو دي واحده ماشيه مش كويس او لبسها مش تمام وبتقول ياللي ما يشتري يتفرج
حد يقولي انا ممكن ادافع عن واحده زي دي ازاي وبأنهي وش ؟
بس طبعا ده اكيد زي ما بقول عيب في المجتمع ككل بداية من ابوها اللي خلاها تنزل بمنظر مش كويس ,ثانيا هي البنت نفسها , ثالثا الواد اللي عاكسها , رابعا الناس اللي واقفه تتفرج ع الواد اللي بيعاكسها وواقفين يضحكوا

مش عارف انا قدرت اوصل رأي صح ولا لأ
وشكرا

اولا احنا كنا بنكلم يا ميدو على الغرور وكبرياء الانثى

انت الوقتى دخلتنا فى حوار مهم جدا برده انت كلامك صح
وغير كدا وكدا انك انت ممكن تدخل فى موقف زى ده وتلاقى البنت تقوللك ملكش دعوه
انت ماللك ...يبقى شكللك وحش وغير كدا ان احنا فى مجتمع ...................

عندك حق يا تايجر وبصراحه انا لو البنت نفسها هي اللي قالتلي مليكش دعوه يبقى الضرب عندي اهون
لأن شكلي هايكون زبااااااااااااااااله اوي

بس تفتكر ساعتها انا ممكن اعمل ايه ماهو برضو بعد ماهي تقولي كده ماعتقدش ان الواد هايسبني دا مش بعيد يستغل الفرصه ومسكني يطحني

لا ياعم انت مش تدخل خالص ولو ادخلت وحصل كدا قول للولد ده بطريقه كدا فيها فانى قوله كمل شغللك يا عم شوف انت بتعمل ايه وصدقنى مش هيعمل حاجه بس الى احسن انك تخليك فى حاللك اصله هو مسيره هيعاكس 3 دقايق ولا 5 دقايق وهيزهق وخلاص وهيمشى ولو هى بنت نحترمه مش هترد عليه اصلا ولا تديلوا اعتبار وولا كان فى حد بيعاكسها اساسا والواد هيزهق علشان هى مش متديالوا وش وهيمشى فانت بجد خليك فى حاللك بس

تمام

يعني انت شايف كده انت كمان يا زكزك ؟

والله يا سيدى ده رايى انا بجد مش اكتر وانت براحتك يعنى
عايز تبقى بطل وتخش خش بس صدقنى اذا حصل يوم
وخشيت ومحصلش اى حاجه من الى انا قولت عليها دى
ممكن يحصل فى يوم تانى وهو العيب من البنت لان كل واحد بيعاكس شويه
ولو البنت محترمه هو من نفسه هيسبها ويمشى
امال لو البنت هزقته او شتمته او عملت اى حركه تدل على انها
مش محترمه مش هيسبها حتا لو راحت الصومال يعنى
العيب من البنت

يا تايجر انا عارف ان معاك حق انا مش قصدي ان انت كلامك غلط لأ بالعاكس انا موافقك بس برده انت ممكن لما تشوف حد بيعاكس واحده وانت عارف انها محترمه وتلاقيه مزودها بقى بكلام مستفز اوي مايصحش اصلا ان بنت تسمعه انت اكيد هاتضايق وساعتها لو تطول تقتله هاتقتله
الموضوع مش اني اعمل بطل او اعمل كتكوت الحكايه كلها ان انا بشوف حاجه بتضايقني وعايز اخليها ماتحصلش لكن انا عارف اني في النهايه مش هاستفيد حاجه لا من البنت ولا من الواد ولا من اي حد اكبر استفاده ممكن استفيدها من وجهة نظري هي اني هابقى ريحت ضميري

فاهمني يا معلم

انا فهمك
بس ثوانى مثلا بنت انا اعرفها بس مليش كلام معاها
دى الى انا ادخل عشانها بس
لانى مش هكلمها هى هكلم الولد الى بيعكس هقوله لو سمحت يا كابتن عيب
او اقوله ينفع كدا وهو لو الود راجل وكدا هيقولى معلش او هيشورى بايدى على اساس الاعتذار
فدا انا احترمه وكدا وخلاص والبنت تمشى بقا فى حالها امال لو هو قله ادبه وقالى انت ماللك وكدا
اقوم ماشى انا مع البنت امشى معاها لحد ما اشوف هى توصل لفين وارجع للولد ده
اكلم باحترام برده معه لو قليل الادب وحسيت فى كلامه ان هو قليل الادب طبعا لازم اضربه
ولو هو معاها اصحابه هقولله انت شايف كدا يعنى هيرد على رد مش تمام برده
هقوم اسيبه واجيب طبعا شلتى كلها واصحابى ونروح نرزعه علقه
بس فى موضوع انك انت متعرفش البنت دى هتبقى صعبه شويه ولو هو عكسها فى الحرم الجامعى
سهله انها تروح للامن تقولهم ولو الولد ده عمل ايه اكيد هيظبطوه

كلامك مظبوط يا معلم

تمام يا ريس

دلوقتى بقا انا عايز افهم حاجه بس من البنات
يعنى انا عايز البنات ترد على الحاجه دى
والولاد برده يقولوا هما فاهمين ايه من السوال ده
او هما عايزين يبقى ازاى ؟؟
والبنات تجاوب عليه علشان هما الاساس

ايه معنى التسامح فى الحب بالنسبه للبنات ؟؟