أحبكــــــــــــــــــــــ جدا

أحبك جدا وأعرف أنى سأفشل منذ البداية
أحبك جدا وأعرف أنى سأقتل خلال فصول الرواية
أحبك جدا ولكنى اخاف من تلك النها ية

أحبك جدا وأعرف أنى أقامر بقلبى وأن حصانى خاسر
لأن الطريق لقلبك محاصر بألوف العساكر

أحبك جدا وأعرف ان الحب أنتحار
واني سأقنع نفسى بأن خضوعى بين يديك يكون انتصار
سألقى برأسى بين احضانك وانام وأطمع أن لا يجىء النهار

أحبك جدا وأعرف أنى تورطت جدا وأحرقت خلفى جميع المراكب
وأعلم أننى سأهزم جدا وكذلك علمتني التجارب
وأننى ككل المجانين كأنى بحبي احاول صيد الكواكب

AmY

وأننى ككل المجانين كأنى بحبي احاول صيد الكواكب

ياه التعبير ده ملوش حل يا بسبس
كلامك جميل جدا يا آمى والله

نيس نيس توبيك

زائر

قشطه يا بوسبوس
الحاجات دي مبتطلعش في اي وقت في حاجات خاصه
ههههههههههههه بجد تحفه
احلي حاجه قريتها ليكي
منتظرين المزيد يا سككككر
وعاوزه واحده ليا باه احسن وربنا ازعل

نيس توبيك
يا بوسى

ـــــــــــــــ مجرد رأيي ــــــــــــــــ

هو ليه كل حد بيحب حد يقول خايف من النهاية ومش عارف ايه ؟

مانت لو بتحب حد بجد هاتعمل اي حاجه عشان تنتصر ع النهاية اللي انت خايف منها دي ؟

انا عن نفسي يوم لما الاقي حدبيقول الكلام ده
ممكن اشك في حبه للشخص اللي هو بيقول انه بيحبه

عموما هو ككلام..... اه حلو
لكن مش عاجبني التفكير

ـــــــــــــــ مجرد رأيي ــــــــــــــــ

زائر

انت كلامك صح يا احمد

بس في ساعات اما بنحب حد اوي اوي اوي بنخاف ليضيع مننا

طبعا بادينا نحافظ عليه
وبادينا نضيعه بردو مننا
بس ساعات تحصل ظروف خارج ارادتنا ومنبقاش راضيين عنها نهائي ةتفرقنا عن اللي بنحبهم
وهو ده اللي يمكن خايفه منه بوسي
وبالعكس مش المفروض انك تشكك في حب الانسان اللي يخاف من الحب او يخاف علي حبيبه

هو بيخاف ليضيع منه
بس بردو الحب القوي بيقدر يكسر اي عائق واي حاجز وبينتهي يوم موت اصحابه
وطبعا انا اقصد عن الحب بجميع انواعه
وربنا مايفرق حد عن حد ابدا

ومش معني كلامي اننا هنفضل خايفين علطول لدرجة اننا نقرف اللي بنحبهم
كل شئ ربنا بيرتبه
وكل حاجه بامر من ربنا
كاتبلنا امتي نتلاقي وامتي نفترق
احنا ندووووووس ونسيبها لله
ونرمي اي خوف ورانا
لان اللي هيحب حد مش هيتخلي عنه ابدا
ماشي يا نصه
وتحياتي لبابا وماما وخالتو صافي
والاسره والاخوات
واهنيهم بالمولود الجديد
ههههههههه
سلام بأه

جميل بس ده كلامكبس ميا ل على نزار شويهلو كلامك بصراحه جميييل

على فكرة انا مش مجرد خايفة اني افقده
تقدرو تقولو اني اتعودت على الفراق لدرجة انه بقى العادي
والنتيجة المتوقعة مع اي حد
للأسف انا عارف هو اد ايه بيحبني
وممكن بل اكيد ان مفيش حد هايصدق اني كنت اتمنى دا مايحصلش
واني كنت اتمنى ان الحب دا يبقى من جهتى انا بس
انا مش مهم اولع بجاز حتى بس هو لأ
مستعدة اعمل علشانه اي حاجة وعارف ان اي حاجة ممكن اعملها بردو قليله عليه
انا لو هاخاف على نفسي فدا هايبقى علشان نفسي دي بقت علشانه
بس الاكيد اني خايفه اكون في يوم سبب جرحه وهو فعلا مايستحقش مني دا

كلامي ممكن يزعل ناس بس دا فعلا احساسي دلوقتي

زائر

وهو ده الحب
انتي مش حاجه منفرده
الفراق موجود في حياة الناس كلها
والا كان زمانا وصلنا لبليار البليار من الناس
ولو مكتوبلنا نفترق هنفترق زي ما اتكتبلنا نتلاقي
ومعتقدش ان الكلام هيزعل حد بالعكس
واي حد بيبدأ اي حاجه بيخاف لتنتهي بالفشل
والحب مش اي حاجه
فشل الحب بيبأه جرح وجرح كبير اوي
عشان كده لازم نخاف منه
تقبلي مروري يا بسبس
وبجد قصيده تحفه

ايوا يا مي ماهو احنا عشان خايفين من الفراق يبقى لازم نحاول نعمل اي حاجه علشان مايحصلش
لكن لو حصل غصب عننا يبقى ساعتها نقدر نقول ان ده فعلا قدرنا وخارج عن ارادتنا
اما ان احنا نفضل نقول للي بنحبه يا ريتك ما حبتني ومش كنت عايزاك تحبني
طيب ماهو ده ممكن يكون سبب الفراق

ولا ايه ؟

زائر

تمام ياباشا
لو علي الفراق فده ايا كان اسبابه المهم النتيجه واحده
جرح في الاخر
وهو ده سبب الخوف
المهم نرمي اي خوف ورا ظهرنا ونسيبها لله

ونعم بالله يا بنتي

لا تعقيم