اتحداك لو مضحكتش

" الحلـــقة الأولـــــى "
من سيربح المليون ؟

تاتاتاتاتاتااااااااااااااااااااااا ... دن دششششش
بلال: يسعد مساكم وألف اهلا وسهلا فيكم مع برنامجكم " من سيربح المليون " عم بنرحب بضيوفنا اليوم و.... تش تششششششششششش
أبو بدوى : يا ولية اعدلى التليفزيون خلينا نعرف نتفرج
أم بدوى : ما أنا بقالى ساعة واقفة وماسكة الإيريال .. تعالى أنت بقى شوية أمسكه
أبو بدوى : يا ولية أنا راجل البيت .. أفرض حد جه ودخل عليا ولقانى ماسك الأيريال يقول إيه ؟؟ .. امسكيه يا ستى .. البرنامج هيخلص
بلال: ... المتسابقين معنا اليوم وتقريبا معظمهم من أرض الكنانة وهم : بوسي ــ هاني ــ ميدو ــدكتور سند ــ سالي، أهلا وسهلا فيكم .. واضح عليكم القلق .. طيب .. حضروا حالكم لسؤال السرعة .. رجاء من الجمهور الهدوء التام السؤال هو :
** رتب الكلمات لتكون المثل التالى :
1- على
2- نفسها
3- جنت
4- مراكش
والآن الجواب الصح والأسرع هو : ............
إيه ده ؟؟ .. مافى ولا سؤال صح .. بس فى أسرع .. أسرع واحد كتب غلط هو :
هــــــــــــــــــــاني
تاتاتاتاتاااااااااااااااااا .... دن دشششششش
بلال: اتفضل معى هون .. أهلا وسهلا فيك .. أو مرة تشترك معنا هون ؟؟
هاني: لا أنا اشتركت فى مسابقات كتير .. اشتركت فى برنامج " هيا بنا نلعب " وبرنامج " حظك اليوم " وبرنامج " طالع نازل "
بلال : أحم .. لا أنا قصدى مسابقات ثقافية زى أحنا هون .. طيب على العموم أهلا وسهلا فيك .. من مصر ومقيم فى البحر الأحمر ومتزوج وما فى أحد جه معك وهادا أرحم لى لإنى بكون متضايق جدا لما بشوف حد قاعد هون وراك .. المهم طبعا إنت عارف قواعد اللعبة .. قصدى المسابقة .. ربنا يوفقك .. جاهز ؟؟؟؟
هاني: جاهز .. بس أنا كنت متفق مع واحد من سفاجا هيجى يحضر معايا الحلقة .. الظاهر وقفوه فى الجمرك ولا حاجة
بلال: الله يعينه .. إذن مع المتسابق الأول .. ومن سيربح المليون
تاتاتاتاتااااااااااااا .. دن تششششششش
بلال: السؤال الأول ب100 ريال :
من الكلمات الآتية ما لا يستخدم فى الرياضة :
1- المضرب
2- السلة
3- الصابونة
4- الشبكة
هاني: أمممممم .. الشبكة
بلال: نعممم ؟؟؟؟ ... قصدى فكرت كويس ؟؟؟
هاني : أيوة فكرت ومتأكد .. وجواب نهائى عشان ما توجعيش قلبى بقى والأفلام دى
بلال : طيب إزاى يا محترم ؟؟؟ ركز فى السؤال
هاني : وبعدين بقى .. أنا بختار اللى واثق فيه
بلال : طيب ركز كده شوف فى حاجة تانية ما نستخدمها فى الرياضة !
هاني: طيب ، المضرب فى التنس
بلال : جميل
هاني: والسلة فى كرة السلة
بلال : ممتاز
هاني : والصابونة بنحطها تحت جيمى صاحبنا وهو بيعلب معانا الكورة عشان يتزحلق ونجيب جون
هاني: أما الشبكة فدى عند بتوع فى وزارة الداخلية بس
بلال: احم .. حضرت ممكن تركز شوية بعد إذنك لو سمحت عشان أنا مش ناقص
هاني : طيب مادام الموضوع فيه شك .. اطلب مساعدة الجمهور
بلال: طيب يا جمهور حضروا حالكم وخلوا ليليتنا دى تعدى على خير ... اللى بيعرف بس هو اللى .. لا حول ولا قوة إلا بالله .. يارب ارفع مقتك وغضبك عنا
" طبعا الجمهور أعطوه 100 % للصابونة "
بلال: الجمهور أعطالك 100 % للصابونة .. اختار وريحنى !
هاني : امممم .. بس برده فى شك ! .. طيب ممكن اتصل بصديق
بلال: لا إله إلا الله ..هتتصل بمين ؟؟
هاني : ميدو .. هو مشترك فى مركز شباب الحوامدية
بلال: طيب اتصلولنا بيه يا جماعة
تيييييييت.. تيييييييييت
البيت (عند ميدو) : ألو .. أيوه يا أنكل
بلال: أيوه يا حبيبى ممكن حد كبير أكلمه .. بسرعة بس
البيت (صوت راجل كبير) : ألو يا فندم
بلال: ألو .. مساء الخير .. معك فرح من برنامج من سيربح المليون mbc ومعنا الأخ هاني واقف عند السؤال الأول وما معاه ولا هللة وعايز مساعدة حضرتك .. معكم 30 ثانية لما بيدأ أمير بالكلام .. اتفضل هاني
29
28
البيت (عند ميدو) : أيوه بس أنا منصور أخوه استنى أندهولك
هاني : بسرعة بس يا منصور
27
26
25
البيت : ألو
أهاني: ألو يا ميدو .. معايا سؤال بيقــ ...
البيت : بس أنا مش ميدو، أنا ابراهيم .. ثوانى أندهولك
هاني : بسرعة يا ابراهيم أرجوك
10
9
8
البيت : ألو .. أنا ابراهيم .. بميدو نايم دلوقتى .. تحبه أقوله حاجة لما يصحى
3
2
1
........
هاني : أيوة .. قوليله ينسى إن له صاحب اسمه هاني
بلال : يا استاذ ارحمنا .. ما ينفع هالكلام !!!
هاني : طيب انا بفضل انسحب واكتفى بكده وبلاش مجازفة
بلال : أحسن هادا .. وأنت ما هتاخد أى شى أصلا
هاني: يللا .. أهم حاجة الصحة
بلال : للأسف دى راحت من عندى .. بعد ما حضرتك شرفت هون .. تحية كبيرة للأخ هاني على المجهود اللى عمله ده وطبعا الجواب الصحيح هو (الصابونة) !
بلال: والآن نرجع للمتسابقين وسؤال السرعة ولكن فاصل من الإعلان ونعود إليكم
تاتاتاتاااااااااااااا ... دن تششششش

يتبع >>> ((تحية لأخى بلال وهاني)) ههههههههههههههههههههههههههه

كل حلقه هناخد ناس مختلفين
تحياتي