تكملة نقاش لعبة الصراحه

انا حاسس ان انتو عايشين احلام ورديه ايه يا شباب ويابنات بتكرهو الكزب وبتحقرو الخيانه و بتبعدو عن النفاق والحب هوا الحياه ماهو حاجه من الاتنين يا انا الى شايفها بالعكس او انتو بتحولو تصنعو حياه حلوه بينكم وبين بعض فى كلا الحلتين احب اقول ليكم عيشو الواقع وهو( الكزب والنفاق والخيانه واى حاجه وحشه تنى هيا الحياه الحب ده بنشوفو فى الافلام وبنسمعو فى قصص يعنى حتى اخر حاجه حلوه طلعت تمثيل) ولو فى حتى حب بجد مبيكملش واتحدى اى حد حبو كمل او اخد حاجه اتمناها Sad

ندى انا مش اقصد انى اجى عليكى انا كلامى موجه للكل احنا فعلا عايشين وانا زيكم الحياه ورديه بس العيب مش علينا زى مقال تيجر اكبر واحد فى المنتدى عندو 22 سنه اكيد مش هيلحق يقل موازين الكون ويحولو من حاجه حلوه نظيفه جميله الى عالم كلو كدب وخداع الى انا نفسى اوصلو احنا الامل هل فعلا هنقر نحقق احلامى مع اننا مشين على خطوات الى قبلنا ولا هنفضل عايشين فى الدنيه الورديه الى احنا بنحلم بيها زى مارد الفانوس حياتو مقتصره على الفانوس واى حد فينا حياتو الى فى الحلم بنت كامله مبتعرفش تخدع ولا بتكزب وفيها كل الصفات الحلوه وصاحب فيه نفس الصفات والبنات حياتهم الورديه زينا بالظبط( يترا هنفضل عايشين فى الفنوس ده كتير ولا فيى حد فينا هيقدر يغير ده)

بحييك يا بونبونايه ع روحك الرياضيه العاليه وانك فهمتني صح

اما عن رأيي بقى يا بونبونايه

يا سدي احنا مش بنحاول نصنع حياه حلوه بينا ولا حاجه

بس في حاجه انت بتقول ان الواقع هو:الكذب والنفاق والخيانه واى حاجه وحشه تانيه هي الحياه الحب ده بنشوفو فى الافلام وبنسمعو فى قصص يعنى حتى اخر حاجه حلوه طلعت تمثيل

ماشي يا معلم

بس في حاجه هل معنى كده ان لما يبقى الواقع هو الكذب والنفاق والخيانه يبقى ده شيئ كويس ؟

اعتقد لأ

ولما يبقى الحب اللي هو الحاجه الحلوه تمثيل وبس يبقى ده كويس ؟

بردو اعتقد لأ

فمفيش مانع ان احنا نستنكر الغدر والكذب والخيانه ونشوف ان الحب هو الحياه لأن هو ده اللي نفسنا فيه واعتقد ان ندى لما قالت الحب هو الحياه مش قصدها ان هو ده اللي موجد في الحياه ... بس اكيد تقصد ان لو الحب ده موجود فعلا هايبقى هو احلى حاجه في الحياه

تقبل مروري يا بونبونايه .... وسوري مره تانيه ع اسلوبي في لعبة الصراحه

يمان انا بجد الى بحيك على رقتك وزوقك على فكر انت صح انا لو مشرف حعمل زيك تمام
انا عارف ان زى ما فيه حجات وحشه فيه خيط رفيع حلو وانت وانا وكلنا حسين بيه بس هل ده كفايه كلنا بنكزب ونخادع ونخون بس مش فى كل المواقف طب ليه منتعلمش ونعلم الى حوالينا ده؟

انا حطيت كلامي ده قبل ما اشوف كلامك يا بونبونايه بس اعتقد ان انت كلامك صح والله بس مش عارف اجاوبك اذا كنا فعلا هانقدر نخرج من الفانوس ولا لأ

بجد مش عارف

اتمنى ان احنا نخرج

يارب نخرج

معاك حق بس لو انا وانت عايزين كده و عندنا استعدداد نتغير

يا ترى هانلاقي اللي يتغير هو كمان ؟......... او هنلاقي اللي نعلمه زي ما بتقول ؟

محدش فينا هيتغير عشين نفسو لازم يكون وراك حد يشجعه وتخاف عليه عشين تتغير انا عارف انى ممل وكلامى غامض حبه وكلامى يمكن يكون اكبر من سنى بس اعمل ايه اتعلمت حجات اكبر من سنى

يا باشا ولا ممل ولا حاجه
ادينا بنفضفض وبنتكلم

انا جيت بقا
ايه بقا الى انتوا بتقوله ده بقا
هنرجع كدا ولا ايه
محدش فى الدنيا دى كلها يقدر يعيش من غير اول حاجه دى الكدب
لازم ندكب علشان تقدر تعيش انت وهو بس فى فرق ما بين كدب وكدب مثلا انا بكدب
على واحد علشان مش ينفع اقوله الحقيقه علشان مش اجرحه او احسسه ان انا احسن منه
بكدب على حد بحبه علشان خايف اخسره خايف اقوله انى كدا
بنحاول نحب اه انت عندك استعداد اصلا انك تحب فى الاول وهتحب مين
ويا ترى انت هتكون واثق فيها طب ازاى مع انها بتحبك برده بس بتعمل كدا
من وراء اهلها ازاى انت هتحب واحده خانت ثقه اهلها فيها بتقولوا انكوا عاوزين تتغيروا
هههههههههه(موت يا حمار ) محدش هيتغير لاننا احنا كدا احنا اتعودنا نبقا كدا الحاجه الحلوه الى فينا ان احنا بنحلم بس عندنا الامل اول حاجه حلمك او الامل الى انت عايش عليه هو بيكون ايه
اكيد هسافر بره علشان اجيب فلوس ويبقا عندى عربيه اترسم بيها ويبقا عندى كذ وكذ وكذا وطبعا الحلم الكبير بنت محترمه تحبنى عشان نفسى مش تحبنى علشان حجات تانيه تتضحى علشانى
فيها ايه لما اكون انا اهو شاب واحلم بالاحلام دى ولا هى حرام ولا هى غلط لان احنا مش فى ايدنا غير كدا انت بتعد تحلم فى احلام كتير اوى وبتحاول انك تنفذها بس مستحيل طبعا انك تنفذها كلها انت حتا ممكن تنفذ نصها او حتا ربعها احنا مش محتاجين حاجه اصلا ولا تغير ولا اى حاجه المهم انت بس مش تخلى فى نفسك حاجه حتا لو هتعد سنه كالمه تحاول انك تجيب الحاجه دى
ومفيش حد بيتعلم ببلاش

تمام كلامك يا تيجر بس ميمنعش انك تحلم حلم صغير فى وسط احلامك الكبيره دى ان انت تعيش حياه جميله بدون كدب ولا خدا ولا ولا ولا

انا بس عايز اعرف حاجه يا تايجر

هو انت اقسى مفهوم للحب عندك هو ان تحب واحده من ورا اهلها ولا ايه ؟

يا بني الحب اللي انا اقصده مش بس كده

الحب كلمه كبيرة بتشمل كل حاجه

بتشمل كل تعاملاتك

الحب ممكن يكون بين اتنين متجوزين

ممكن يكون بين اتنين اخوات

بين اتنين اصحاب

مش شرط اني لما اقول حب

يبقى اني واخد واحده وقاعدين في تل ابيب ياااااااااااض او ورا كلية علوم في الحته اللي عند حاسبات دي .... عارفها ؟ ما انت اكيد بتروح هناك ياض

هههههههههههههههههههههههههههههههههههههههه كل ده ده انت شكلك مش تيجر انت شكلك تعلب مكار

انا على قدى يا جدعان انا غلبان
وبعدين ياض انت يلى بتقول الحب شامل كله واتنين مجوزين وام واب

احنا بنكلم فى المنتدى وانا وضحت ان اكبر واحد هنا عنده 22 سنه

و22 سنه دى مش مجوز يعنى ده اخره يفكر يحب لسه

فهمت ياض احنا مش بنكلم شامل يعنى لا احنا بنكلم فى سننا بس

حاضر يا ابيه تايجر انا اثف يا ابيه

ايووووووووووووه كدا

بداية عاوز اسأل بومبونايه هل انت زعلان اننا مش بنحب الكدب وبنحتقر النفاق
انا معاك ان الدنيا وحشة بس دا مايمنعش ان الحلو فيها بردو
احنا مش صغيرين ونقدر نفرق بين الحلو والوحش
مش مهم نتجرح او نتخدع في ناس
كل يوم بنعيشه هايكون تجربه جديدة
حلوة وحشة ماتفرقش ادينا بنتعلم ونعرف
مش علشان لقينا حد كدب علينا لازم نبقى زيه ومش علشان حد جرحنا هانبقى زيه
اللى يكدب مانثقش فيه واللى يجرح نبعد عنه ونشيله من حياتنا
اكيد كل كلامك دا بسبب تجارب انت مريت بيها
بس مش دي نهاية الدنيا
لازم تكمل وتعيش
واعرف ان ايا كان اللى انت مريت بيه غيرك شاف اللى اكتر منه
بس الحياة مش هاتقف
بيك او من غيرك الدنيا بتمشي ومش هاتستناك لحد ماتراجع نفسك
وماينفعش تبقى زي الناس اللى انت قابلتهم في حياتك وجرحوك
لان فيه ناس تانيين كويسين موجودين في حياتك مايستحقوش منك انك تجرحهم
اتمنى فكرتي تكون وصلت
بييييييييييس

ايه يا واد الخطوره دى والحجات الجامده دى لا كتير علينا بجد

بس تمام

يا واد يا جامد انت

بييييييييييييس يابوسى