موجه ....... بس مستفزه شويه

موجه

قناة فضائيه اطلت علينا منذ فتره بشكل جديد ومختلف ذات طابع كوميدي اعجبني انا شخصيا كثيرا جدا جدا

لكن هناك شيئ استفزني كثيرا من اول يوم تابعت هذه القناة

القناة دي -من وجهة نظري- حولت الرجاله لستات والستات لرجاله
دا شيئ غاظني اوي من اول يوم شوفت فيه القناة دي وخصوصا الواد اللي عامل ست ومفيش مره ظهر فيها ع القناة ع انه راجل وفالح بس انه يجي يضحك ضحكه رخمه وبس بقت رمز للقناة دي
رغم ان الواد ده طلع في كذا دور قبل كده ع انه راجل هو صحيح كان رخم برضو بس اسمه راجل
يمكن يكون عجبه انه يكون ست اكتر الله اعلم .
وكمان الممثله اللي ظهرت في اعلانات قبل كده وفي مسلسلات هي كمان اتحولت لراجل
معقوله يكون هو ده الوسيله السهله لأضحاك الناس ؟ معقوله بقى مفيش اي مراعاة لدين ؟ معقوله الناس تناست حديث الرسول صلى الله عليه وسلم ( لعن الله المخنثين من الرجال والمترجلات من النساء ) او كما قال صلى الله عليه وسلم

ولما القناة دي بدات حبه حبه تنجح بدأت تكون مستفزه اكتر سواء بانها تزود من الرجاله اللي بقوا ستات او الأنسه اللي مستطخنه نفسها وفرحانه بتخنها وبتحاول تتفن في استفزازنا !!!
شويه شويه بدأت تعرض افلام في ظاهرها كوميدي اه لكن فيها مناظر كتير مش كويسه
صحيح انا مش داعيه اسلامي ولا بقول ده عشان احرم او بتكلم في امور دينيه وخلاص
بس المفروض ان القناة دي تكون قناة عائليه يعني بيشوفها الكبير والصغير
حد بقى يقولي هايعمل ايه لو اخوك الصغير او بنت اختك شافوا الناس اللي بتتحول دي وجه اخوك عايز يقلد الستات او بنت اختك عايزه تقلد الولاد -مثلا يعني - ؟
هاتعمل ايه لو بتتفرج مع اختك او مامتك ع قناة عائليه وفجأه لقيت منظر يخدش حيائك وحيائها ؟

معلش انا عارف ان الموضوع طوييييييييييييييييل بس بجد دي حاجه انا ملاحظها من فتره وبجد كانت خنقاني ومش لقيت مكان اعبر فيه عن رأيي ده غير هنا
يا ريت تستحملوني وياريت كل واحد يقولي ايه رأيه في الكلام ده ؟

هيا فعلا مع انها قناة كوميدي بس احيانا كتير بتبقى مستفزة في اعلاناتها
عموما انا مش بتفرج غير على قنوات الافلام الاجنبي

الاكشن ماليش فيه هيهيهيهيهيهيهي

هو الأجنبي ينفع من غير الأكشن ؟
الف شكر ع مرورك يا بوسي

فين الردود يا جماعه ؟
ليه مفيش حد قال رأيه ؟
عايز اعرف رأيكم زي رأي ولا انا غلطان
يا ريت الكل يشارك ويقولي رأيه في الكلام ده

زائر

انا الصراحه مش هعرف اقولك راى لأنى اول مرة اسمع عن القناه دى

اوكي يا مان وعموما مشكور ع مرورك يا برنس

بالله انا عمرى ماسمعت عن القناه دى بس على العموم راءيك يحترم Surprised

حد مايعرفش موجه كوميدي

قوليلهم يا بوسي انتم محسسني اني بتكلم عن قناه من العالم التالت
يا جماعه دي موجوده ع النايل سات
عموما مشكورين ع مروركم وياريت اللي ياعرفها يقول رأيه

زائر

عندك حق يا ميدو

بس انا بيتهيألي هما حبوا يكونوا مختلفين عن الاخرين
بس بصراحه انا بحب اوي القناه دي لان بموت في الكوميدي
بس هي الوقتي معدتش كوميدي اوي
وانا فعلا والله بتستفزني البت اللي مستطخنه نفسها والبت اللي بتحط رجلها في وش المشاهدين دي
انما اللي بيعمل ست ده بيضحكني
وبالنسبه لموضوع المشاهد اللي مش كويسه بأه
فمش القناه دي لوحدها اللي بتعمل كده
وده ناتج عن عدم الرقابه
وهما تقريبا بيدوروا علي اقرب واسهل طريق لجذب المشاهدين
فالحاجه اللي اقدر اقولها بما ان احنا مش هنقدر نغير اي حاجه في القناه ولا هنقدر نتحكم فيها
بس علي الاقل هنقدر نتحكم في نفسنا ونقدر نوجه نفسنا واسهل حاجه نمسك الريموت ونقلب
تحياتي يا ميدو بجد موضوع مهم وجااااامد

شكرا ليكي يا مي
بس انا قصدي في موضوع المشاهد اللي مش كويسه ان دي المفروض قناه عائليه يعني بيشوفها الصغير قبل الكبير يعني المفروض يراعوا حاجه زي دي ويختاروا اللي بيتعرض الأول
(ده رأيي المتواضع جدا )
وشكرا ليكي كمان مره
بس انا مش بقبل الواد اللي عامل بنت ده يا مي

زائر

بس انا بحبه يا ميدو
عشان بيضحك اوي

ههههههههههههههههههه
هنتخانق اهو فى الى بيحبه ميدو والى بتحبه مى
انا معاك يا ميدو بس فى حكايه الصغير قبل الكبير والكلام ده
احنا جيلنا خلاص خلص بقا فى جيل جديد خالص
دلوقتى الصغير عارف كل حاجه ويمكن يعرف اكتر من الكبير
فدا مش مهم اصلا ام فى حكايه القناه دى انهم مش لاقين حاجه
يعملوها فا بيعملوا اى حاجه علشان القناه تكون مستمره
وام المشاهد الى مش كويسه فده الى فيها اهون من قنوات تانيه
كتير وزى ما قالت مى برده احنا هنقدر نتحكم فى نفسنا
يعنى هنتفرج اهو على القناه ولو لاقينا حاجه مش تمام
يا اام ننصح اخوى الصغير اوى الى اصغر منى على الصح وكدا
او اى حاجه بقا