حياتك ولا السيجاره !!!

حياتك ولا السيجارة؟؟!!
سؤال منطقي!!!!!!

فى زمن الناس مش عارفه تجيب رغيف العيش
فى بلد نص اهلها تحت خط الفقر
لسة عندنا "مزاج" اننا نقتل نفسنا بدخان سيجارة!!!
لفت نظري امبارح وانا بشتري علبة مناديل واحد عجوز داخل يشتري علبة السجاير....
الراجل بص على العلبة وهو بيدفع الفلوس واخدته حالة من الذهول!!!
انا استغربت الاول وبعدين ببص على علب السجاير عند الراجل لقيت حاجة غريبة اوي...
فاكرين الكلمة اللي كانوا بيكتبوها على علبة السجاير ببنط صغير جدااااااااا
التدخين ضار جدا بالصحة وقد يسبب الوفاة!!
لقيت العلب كلها متغيره..
بقى نص العلبة عبارة عن صورة لواحد فى سرير مستشفى ومركبينله ماسك اوكسجين ومتربط باجهزة وكاتبين بالبنط العريض
التدخين ضار جدا بالصحة وقد يسبب الوفاة!!!
بيني وبينكم.... الواحد كان فرحان جدا لما شاف المنظر ده اتحط على علب السجاير وطبعا فهمت سبب نظرة الذعر على وجه العجوز..
بس طبعا جه فى بالي سؤال صغير...
ليه الناس مش عايزة تفكر شوية هي بتعمل ايه؟؟؟!!
ليه ندمر حياتنا بايدينا؟؟!!
مطلوب ايه تاني عشان تفكر تبطل سجاير؟؟
يا اخي ان لم يكن عشانك فعشان اسرتك واولادك ....
ذنبهم ايه يتعبوا معاك فى صحتهم الاول "بالتدخين السلبي"
وكمان فى معيشتهم!!!
بتصرف كام على السجاير دي -بعد ما غلت كمان- مش اسرتك او اولادك اولى بيها !!!
معاك فلوس كتير يا سيدي فى غيرك مش لاقي ياكل ساعده تاخد حسنات بدل ما تقتل نفسك!!!
التدخين فى مصر مشكلة كبيرة؟؟؟؟؟!!!! اوووووووي
انتو ايه رايكوا ياجماعه ننصح شبابنا بلاقلاع عن التدخين !
مش بس كده


حجم مشكلة التدخين في العالم
يبلغ عدد المدخنين في العالم حوالي 1.3 مليار مدخن ومن المقدر أن يصل إلى 1.7 مليار مدخن بحلول عام 2025م.
من 80 ألف إلي 100 ألف شاب يصبحون مدخنين منتظمين يوميا كل عام.
تبلغ الوفيات من أمراض ناتجة عن التدخين في العالم 4.9 مليون حالة وفاة سنويا ( 7% من إجمالي الوفيات ), أي حالتين وفاة كل 13 ثانية من أمراض وثيقة الصلة بالتدخين.
بحلول عام 2025م من المقدر أن تكون الوفيات من أمراض ناتجة عن التدخين في العالم 10 مليون حالة وفاة سنويا ( 16% من إجمالي الوفيات ) منها 7 مليون حالة في الدول النامية.

رئة مدخن
رئة غير مدخن
حجم مشكلة التدخين في مصر :
يبلغ عدد المدخنين في مصر حوالي 13 مليون مدخن منهم 500 ألف تحت عمر 15 سنة و 73 ألف تحت عمر 10 سنوات.
يتم استهلاك 80 مليار سيجارة سنويا ( 4 مليار علبة سجاير ) في مصر.
يبلغ حجم الأنفاق القومي سنويا على التدخين نحو 5 مليارات جنية سنويا، أي أنه يمتص حوالي 22% من دخل الفرد المدخن شهريا، تصرف الأسرة المصرية 5% من دخلها في التدخين، 2% في العلاج، 1.5% في الترفيه.
يقدر المبلغ المنصرف لعلاج الأمراض المتعلقة بالتدخين حوالي 3 مليار جنية مصري سنويا.
500 مليون من أحياء اليوم سوف يقتلهم التبغ بحلول عام 2030م وسوف يكون نصف هؤلاء في أعمار منتجة يحرمهم التدخين من 20 إلي 25 سنة من حياتهم.
زيادة نسبة المتغيبين عن العمل بين المدخنين أكبر بنسبة 50% عن الغير مدخنين.
المصدر :
قطاع الشئون الوقائية
إدارة مكافحة التدخين




الكلام ده من سنة من موقع وزارة الصحة والسكان.......

ميرسي ليك ياجميل علي التوبيك الرائع ده بجد ظاهره التدخين عند الشباب كثرت اوووووي
في المدارس وفي الجامعات بجد بقد حاجه تخنق

لالالالالالا انا الحمد لله مبشربهاش خااااااالص دي مضره جدا للصحه
وكمان مش بس كده التدخيين حرااااااااام شرعا

ميرسي اووووووي ليكي يامي علي المشاركه معانا وزي مانتي قولتي كده بالظبط هما فاكرين ان السيجاره حاجه كده رمز من رموز المرجله والعكس هو الصحيح