لماذا تسمح لنفسك أن تحب ... وأختك لا .. وألف لا ؟؟؟؟؟,

بسم الله الرحمن الرحيم

سؤال....... ......

هل الحب خيانة للاهل

فعندما تحب الفتاة . شئ طبيعي ان يكون اول الحب من خلف الاهل ، لانه لايمكن لاي فتاة ان تقول لاهلها.
انما بالنسبة للشباب فممكن يقول هذا لابيه ولوالدته بدون خجل
اما الفتاة فسوف تقوم قيامتها اذا قالت لابيها او لاخونها مثل هذا الكلام

لماذا هذا مسموح للشباب
وممنوع للفتاة

ايها الشاب قد تكون صريحا مع اختك وتقول لها انا احب فلانه
ولكنك لا تقبل ان تقول هي لك انا احب فلان

من يملك من الجرأة والصراحه

ويجيب على سؤالي

لماذا هذه الانانية

واقعنا الذي نعيش فيه ملئ بمثل هذه القصص

ولكني اطلب التفسير لهذا التناقض

هل عاداتنا تسمح للرجل ان يحب

ولا تسمح للمراة ان تحب

لماذا هذا الفرق . اليس هذا الامر نوع من الانانية ؟

زائر

ايه المواضيع الحلوه دي
اولاتحياتي
ثانيا انا اعتقد ان دي مش انانيه ولا حاجه
بيتهيالي ان ده بيبأه نوع من الخوف ممزوج بنوع من الكبرياء يعني نظرا لطبيعة المجتمع اللي احنا عايشين فيه
فالرجل بيحس ان دي اهانه ليه لما اخته تحب واحد
وغير كده كمان ان ضرر البنت بيبأه اكتر
مش هنقول ان الشاب مش بيضر لا هو بيضر وضرر كبير اوي
اما ضرر البنت بيبأه اكبر
وغالبا قصص الحب اللي بتبأه من ورا الاهل بتبأه حب مراهقه ليس الا
وانتوا فاهمين الحب في السن ده يعني ايه
كل المدرسه تعرف ان دي وده بيحبوا بعض وطبعا ده اساءه لسمعة البنت
فلازم اخوها ميقبلش كده
يارب اكون عرفت اوضح حاجه

تحيــــــــــاتي

طبعا طبعا
بس ايه الحجات الجامده الى انتى بتقوليها دى
انتى متاكده انك 17 سنه
بس بجد كلامك جميل يا مى والله

انا بقا عن نفسى
لا راجل ولا بنت المهم ايه هو اخره الحب ده تسليه ولا ............ ولا........
وبعدين من الاحسن ان البنت لو حبت تقول لابوها وامها
لان غير كده خيانه
واذا كان الاب والام بيرفضو ذلك فهو علشان سمعه البنت وكلام الناس
وغير كده بيخافو شرف بنتهم لان شرف البنت زي مابيقولو زي عود الكبريت
الحب عمرة ماكان خيانة للا هل ولا هيكون
بس اى حب دى اللى بنتكلم علية
ياترى فى حاجة اسمها حب فى الزمن اللى احنا بنعيشة دى
ماعتقدش
اكيد كلنا شباب وعارفين طبعا يعنى اية حب فى زمنا دى
بس اكيد وضحت

الحب هايبقى خيانة للاهل لو البنت كانت مقضياها خروجات والنظام دا
ودا اصلا ماسموش حب
ممكن البنت تحب عادي بس من غير ماحد يعرف
يعني ولا اللى هيا بتحبه حتى
دا معتقدش ان فيه اساءة لا للبنت ولا لاهلها

ومعتقدش ان الشب ممكن يحترم بنت مشت معاه من ورا اهلها

نيس توبيك بجد

انا من رايى المتواضع اللى ملوش لازمه

ان ده خوف على سمعة اخته وخوف عليها ليكون الولد بيلعب بمشاعرها

اولا انا اسمح لاختى تحب بس مش بحب الزمن ده

لان حب زمن ده مبنى على اللمس

والمقابلات وكدا

انما هيه لو بتحب وجات قالتلى يا محمد انا بحب ده انا مش هكلم انا بالعكس هروح اصاحبه لو مش اعرفه

اعرف اخلاقه اعرف اذا كان بيكدب ولا لا

اعرف انه ينفع يبقى المناسب لاختى ولا لا

لو مش ينفع افهمها واقولها دا كذا وكذا ومش هوه الزوج اللى اتمنهولك

ولو الولد بيحبها فعلا لازم يقول لعيلتها او اخوها

وانا فى نظرى الحب الحقيقى

اللى نهايته جواز

اللى وانته بتقرر انك تحب تحط فى دماغك انك ناوى تجوز مش حب تقضيه وقت

وتسلم يا مان على التوبيك الهايل

شكرا ليك وزى ما قولت حب الزمن ده
ويا ريت نرجع بالزمن للوراء شويه
هتلاقيها كل حاجه بقت احسن
من كدا بكتير

زائر

بصراحه انا مش لاقى كلام اقوله
اظن انتوا قلتوا كل الى ممكن يتقال

شكرا ليك
موضوع مهم جــــــــــــــدا