قلبي مغلق للصيانة

اي حد لما بيتجرح من صديق او حبيب بيحط على قلبه يافطه مغلق للصيانة[/size

ولما بيبقى الجرح جامد اوي بيحط يافته

مغلق لعدم وجود حب

ليه دايما بعد اول صدمه في الحب بتنتهي الدنيا بينا

بيبقى مافيش حب

مافيش حياة

نقفل على نفسنا اي باب للنور

نعيش في الضلمة

يوقف العمر عندنا

نفقد الثقة في كل البشر

حتى في اقرب الناس

نعيش خايفين

الشك جوانا في كل الناس

مش هانحب علشان ماننجرحش

ويمكن نبقى كمان عاوزين نجرح اي حد يحبنا

علشان ننتقم

والمشكلة اننا مابنقدرش نراجع نفسنا

بنفضل كدا

نوهم نفسنا ان دي الحياه

طيب دا لما تتجرح

افرض انت اللى جرحت

ايه السبب اللى يخليك تتغير مع اللى بتحبه؟

ممكن تكون حاسس ان انت الصح وهو غلط

فتقرر انك تسيبه

مش مهم هو هايحصله ايه

المهم ان انت تكون كويس

حتى في النهاية لو جه يعاتبك هاتقوله ان هو اللى غلطان

السؤال هنا

هاتعمل ايه لو انجرحت من اللى بتحبه؟

وايه السبب اللى يخليك تسيب اللى بيحبك؟

هاتعمل ايه لو انجرحت من اللى بتحبه؟
طبعا هو اصلا لما الواحد بينجره من الى بيحبه بيزعل اوى ويعد يفتكر الايام الحوله ويمسك موبايله يبص فى صورته ويتالم ان هو عمل فيه كدا ويعد يسال نفسه هو عمل ايه علشان يحصل كدا ويعد يموت فى نفسه بس ده مش هيفيد حزنه والالمه دى مش هتفيدوا دى هتذود جراحه ولو انت جيت بصيت للامر هتلقلا نفسك فى عذاب وهو عايش حياته ومبسوط وانت فى عذاب ..هو انت لازم طبعا هتزعل شويه بس مش علطول ومش توقف حياتك عنده بس

وايه السبب اللى يخليك تسيت اللى بيحبك؟
تصرفاتها يعنى هى بتعمل حجات غلط وانا اقولها الى انتى بتعمليه ده غلط وهى تكرره وكمان لو بتخبئ على حاجه علشان انا مزعلش منها وانا اعرفها من بره طب انهى احسن انى اعرف من بره ولا منها هى وكمان ده اسمه كدب مش تخبئ

انا عمري ماقدر اسامح
عندي قانون ان الغلطة الاولى هيا الاخيرة

لو اللى بحبه جرحني اكيد الموضوع هايكون مؤلم بس فترة نقاهه وهاتعدي
وبعدها كل الحب اللى كان جوايا ليه هايبقى كره ومش كره عادي
هاعمل اي حاجة علشان انتقم وارد له الجرح اضعاف
ومهما رجع او حاول يعتذر مش هايكون له اي حاجة جوايا تخليني اسامحه

بالنسبة للى يخليني اسيب اللى بحبه
لو لقيته اتغير او يتغر عليا
او احس انه مابقاش معايا ولا قادر يفهمني و يحس بيا
او انه يكون بيتعمد يعمل حاجات تضايقني وبعدها يقول مكنتش اقصد
ساعتها بقى هاديله بالشوز واقولك طريقك صحراوي اتجاه واحد

هو بالنسبه للانتقام دى حاجه غلط وبالنسبه للفتره الى انتى بتقولى عليها اه فعلا انت هتنسيه وكل الحب الى كان جواكى له هيتنسا بس صدقينى او ما هتشوفه هاحسى باحساس غريب جواكى لانك كنتى بتحببيه بجد بس
وكلامك برده تمام بس ما عدا حكايه الانتقام دى

دا مش مجرد كلام وخلاص
كل اللى كتبته عن تجربة

وانا والله اخذت التجربه دى
بس انا مجرحتش دا انا قولى كدا الى انجرحت او منجرحتش هى كانت ظروف بس
وانا معاكى والله بس حكايه الانتقام دى مش تمام شويه

بس هاتستريح لما ترد كرامتك

ممكن اعلق يفطه نو سموكنج اظن هتكون جامده Laughing

على فكرة يا صلاح القسم دا للمناقشة فاااااااااهم

زائر

هاتعمل ايه لو انجرحت من اللى بتحبه؟
اكيد هيكون موقف صعب جدا فى الاول
و واحدا واحدا هنسى الموضوع
بس طبعا هفكر ايه سبب كدا
طب طالما هو عمل كدا واستغنى عنى بسهوله يبا مكنش بيحبنى اصلا من الاول
طب لو انا متاكد انه كان بيحبنى
طب سبنى ليه ..........

بجد هتكون حجات كتير الواحد هيفكر فيها
بس فعلا الانتقام دا انا شايف انه هيكون موجود
او على الاقل مش هعبرة تانى لو شفته

وايه السبب اللى يخليك تسيب اللى بيحبك؟
يعنى لو حسيت انه اتغير من نحيتى
ومعدش ذى الاول
وبقى بيسوق شغل التنفيض والكلام دا
وكأنه ولا كان يعرفى خاااااالص قبل كدا

فا اكيد هسيبه

****************

معلش بقا يا جماعه الضمائر متلخبطه خالص بس المهم الفكرة تكون وصلت

اللي بيامن بمبدا الغلطه الاولي هي الاخيره يبقي مبيغلطش يلتي انتي مبتغلطيش ولو غلطي بتنسحبي ولا بتطلبي السماح ارجو الرد

لو كانت غلطتي من غير قصد طبعا بعتذر
بس لو مقصوده يبقى اعتذر ليه اذا كن من البداية ناوية اعمل كدا

الاختلاف في براي لا يفسد للود قضيه

بس انتي عنيده جدا

ومنين تظني ان هو حيسامحك لانه مش متاكد اذا كنتي قاصده ولا لا