ثناوية عامة من البلاكونة

موضوع مهم جد شفته
رغم انه مش وقته خالص بس حبت انكم تشوفوه

ثانوية عامة في.. البلكونة!

أثناء امتحانات الثانوية العامة

الأم تلتهم أصابعها من القلق وهي تنظر إلى الساعة المعلّقة على الحائط قبل أن تلكز زوجها في عنف، وهي تقول له في عصبية:
يا راجل قوم اتلحلح.. إنت قاعد هنا ومبسوط قوي وكأنك "حسن شحاتة" لما فاز بالبطولة الإفريقية، والواد اتأخر عن ميعاده نص ساعة.. قوم فز!

يضع الأب الجريدة إلى جواره قبل أن يقوم من مكانه مفزوعا وهو يقول:
يا ستي إيه اللي حصل يعني لما الواد اتأخر شوية؟.. مش جايز مش عاوز يرجع البيت عشان ماتعمليلوش فيها رئيس سجن أبو غريب، وتنزلي معاه في تحقيق وتعذيب، وكأن الواد كان شغال مع "صدام" مش راجع من امتحان!

تضرب الأم بكف يدها على المنضدة وهي تصيح:
انزل شووووووووووووووفه!

يصبح الأب في ثانية واحدة عند باب الشقة الذي يفتحه وهم يهمهم:
"حسبنا الله ونعم الوكيل"

يفاجأ بولده يدخل عليهم الشقة وهو في حالة صمت ووجوم بالغَيْن.. يدخل إلى المنزل وكأنه قادم من تشييع جنازة صديق مقرب له.. تقترب منه الأم في خوف، ثم تربت على كتفه وهي تسأله في جزع:
"مالك يابني؟.. إيه اللي حصل؟.. اوع تزعّل نفسك.. حليت وحش في الامتحان.. تغور الثانوية العامة.. ولا يهمك"..
يتركها الابن في هدوء.. ثم يتجه بخطوات متسارعة إلى الشرفة.. ليفتحها في سرعة قبل أن يعتلي السور وسط صراخ والدته ووالده و.....

****

خبر في جريدة:
انتحار طالب بسبب صعوبة امتحانات الثانوية العامة!!!

****

يوم إعلان نتيجة الثانوية العامة

الأم تلتهم أصابعها من القلق وهي تنظر إلى الساعة المعلّقة على الحائط قبل أن تلكز زوجها في عنف، وهي تقول له في عصبية:
يا راجل قوم اتلحلح.. أنت قاعد هنا ومبسوط قوي وناقص تجيب ربابة وتغني.. والواد اتأخر عن ميعاده نص ساعة.. والزغاريد بترن في كل حتة في الشارع.

يضع الأب الجريدة إلى جواره قبل أن يقوم من مكانه مفزوعا وهو يقول:
يا ست إيه اللي حصل يعني لما الواد اتأخر شوية؟.. ما تلاقيه فرحان ومزقطط مع زمايله.. شوية وهتلاقيه داخل عليك بإزازة بيبسي ومعاها 3 شاليموه كمان.. اهدي بس اهدي!

يتناهى إلى أسماعهما صوت صراخ وزغاريد، فتتوتر الأم أكثر، فتجذب الأب من مجلسه وهي تقول له:
شاليموه! بأقولك قوم دور عليه دلوقتي وإلا أنا اللي هأعملَك عصير وهأشرَبك من غير شاليموه فعلا!

ينتفض الأب من كرسيه، ثم يتحرك نحو الباب وهو يبرطم، وقبل أن يمسك الأكره يجد الابن يدخل عليهم وعلى فمه نصف ابتسامة، فينظر الأب إلى الأم وهو يقول:
شفتي؟.. أهو جه وجايب البيبسي كمان معاه.. بس فين الشاليموه يا حبيبي؟!

يضع الابن زجاجة البيبسي على المنضدة وإلى جوارها ورقة بها درجاته المتوسطة.. قبل أن يتجه إلى البلكونة وهو يردد:
جبت 56%.. مش عارف أدخل بيهم حمام بلدي دول ولا إيه؟!.. أنا مخنوق.. مخنوق.. مخنووووووووووووووق!

****

خبر في جريدة:
انتحار طالب بسبب حصوله على مجموع ضعيف في الثانوية العامة!!!

****

زي ما أنت شايف..
الانتحار بالنسبة لطلاب الثانوية العامة أصبح تقريبا "عادة يومية"!

واحد يطلع من الامتحان وهو ما حلش كويس..
ينتحر!

واحد جاب مجموع قليل..
ينتحر!

مش بعيد واحد يصحى من النوم ينتحر على اعتبار إن الانتحار ده بقى مادة أساسية في منهج الثانوية العامة!

كل ده رغم إن الثانوية العامة دي حضرتك مرحلة في حياة البني آدم..
طب والله مرحلة..
ومين خلق السماوات والأرض مرحلة..

يعني عادي جدًّا إن الواحد يدخلها وينجح أو يسقط أو يجيب مجموع نص نص..
هيكمل أكيد حياته بعدها..

وأكبر دليل على كده إن فيه كتير من اللي بيجيبوا مجاميع كبيرة في الثانوية العامة بيفشلوا في الجامعة وفي حياتهم العملية..
وبالعكس....

يعني الثانوية العامة خطوة واحدة بس في مشوار الواحد..
خطوة ممكن تزقه لقدام صحيح بس ممكن بعد كده -على حسب شخصيته واجتهاده- يرجع على حِسّها عشرات الخطوات للخلف..

وخطوة ممكن ترجعه لورا كام خطوة شوية بس بعد فترة ممكن يجمع شتات نفسه ويكون أحسن.. أحسن بكتير..

لاحظ إن الكلام ده تقريبا مش بيحصل إلا في مصر
عمرك سمعت عن طالب انتحر في أمريكا عشان جاب 50%!

تفتكر السبب في ده إيه؟
ليه المصريين بيتعاملوا مع الثانوية العامة
وكأنها اللحظة الأخيرة قبل القيامة؟..
مفيش بعدها يا إما جنة يا إما نار؟!!

وإزاي ممكن نعالج الحالة دي؟

يا ريت تكتبوا وتقولوا لنا رأيكم
خصوصا ان معظمنا لسا خارج من التجربة دي
بس رجاءً بعيد عن البلكونة إياها!.....

وماتنساش تكتب رأيك

بمناسبة الموضوع هاوريكو حاجة صغننة كتبتها بعد ماخلصت الامتحانات

دخلت الثانويه العامه
كلى نشاط وعزم وهمه
دخلت أحقق فيها حاجه
واخرج على كليه مهمه
لكنها طلعت اكبر أزمه
وعقدونا من غير لازمه
ما كفايه بقى ارحموا الناس
خلاص مبقاش عندكو احساس
دا الناس فاض بيها خلاص
وبتضرب نفسها بالمداس
طب ليه متسهلوش اسئلتها
وتخلوا الناس تكبر فرحتها
ليه بس تخربوا بيوتنا
دا البلد احنا اللى نعليها
بس تعمل ايه يا صحبى
ما خلاص جابوا عليها واطيها
وادعوا لربنا معايا
هوا اللى هيعديها
ماخلاص خلصت الثانويه
يحرق ايامها وبلاويها

زائر

جبت 56%.. مش عارف أدخل بيهم حمام بلدي دول ولا إيه؟!.. أنا مخنوق.. مخنوق.. مخنووووووووووووووق!
دى لوحدها ملهاش حل

اما بقا لتجربتى فى الثانويه العامه
فا انا كنت فاكرها لعب يال مش ذى لما كان الكل بيقول

واستهترت شويه
وفى الاخر جه على دماغى وخصوصا فى مادة الالمانى
وجلنا امتحان الى حداا ما رخم
فا دا اثر معايا جاااااااااامد

وحكايه الانتحار دى حكايه غريبه اوى مش عارف على ايه الناس بتنتحر

دا مش حاجه يعنى

الايام دى مش كله شغال بشهااااااااااااادة
الكل الايام دى شغال بفلوسه من الاخر يعنى

ونحل مشكله الانتحار دى بان الامتحنات تيجى مقعوله
دا المدرسين يا جماعه بيعدوا يفكروا فى الاجابه
يعنى المدرس دا شغال من امتا على افتراض يعنى شغال من 30سنه
وفكر فى الاجابه 5 دقايق

احنا بقا الى خدنا المادة دى اى مادة عموما يعنى خدناها فى سنه هنفكر فى الاجابه ساعتين ونص
بجد حراااااام

وكفايه كلااااااام

مع السلامه

انا لسه بدرى عليا لسه على الثانويه كتير
على العموم انا كدا كدا ساكن فى الدور التانى يعنى لو ديت ارمى نفسى هيبقى كسر بس Very Happy

ماتخافش ياميدو
الثانوية العامة شر لابد منه
بس كبر الدي

انا مكبر كل حاجه
لحد ما بقيت وزنى 100000000000000000 كيلو

توبيك رائع يا بوسي وانتي بصراحه قلبتي عليا المواجع
انا في سنه تانيه كنت داخله واخداها جد من الاول وبصراحه دحيت جامد
بس جيت بئا علي اخر 3 اشهر ماكنتش طايقه ابص في اي كتاب لاني كنت مليت جدااااااااااااااااا
بس الحمد لله ربنا ماضيعش تعبي وجبت مجموع كويس
بعد كده دخلت علي المرحله التانيه قررت اني اعمل عكس السنه اللي قبلها واني ماخدهاش جد من الاول
ويعني انا بصراحه اللي ماكنش ليا نفس افتح كتاب لان الاجازه كلها كانت اسبوعين
يعني المهم جيت في الاخر لاقيتني مكبره ومش عارفه الم المنهج بس حاولت جاااااااامد جدا
وبجد الايام الاخيره كنت هموووووووت من التعب ومن كتر المذاكره وخصوصا في مادتين الفيزيا والرياضه 2
وجاءت النكسه الكبري
بعد مجهودات فظيعه ادخل الامتحان افاجأ بشكل الاسئله وخصوصا في الرياضه
قلت مش مشكله اعوض في الفيزيا
دخلت امتحان الفيزيا لاقيتني مش فاهمه اي حاجه وحسيت انه مش الامتحان بتاعنا اساسا
طبعا رجعت منهاره جدا وقلت خلاااااااااااااص انا اخري اداب او خدمه اجتماعيه
بس الحمد لله ربنا ستر في النتيجه
وان الله لا يضيع اجر من احسن عملا
صدق الله العظيم

زائر

انتي جيتي علي الجرح يا بوسي كده
طبعا طبعا انتي مش محتاجه اقولك كنا بنعمل ايه في الثانوي
لانك كنتي معايا وشايفه وعارفه كل حاجه
بس كل اللي ااقدر اقوله
ان الثانويه العامه دي سياسه زي سياية سكسونيا كده اللي كانت في فيلم عادل امام وفريد شوقي
يعني عاوز تكع فلوس طول السنتين وممكن انك بالفلوس دي تفتح اجدع مشروع وتجيب قصر وتتجوز
هتجيب
مش عاوز يجيلك اي امراض ولا يتحرق دمك ولا تسمع اي حوادث انتحار ولا شلل ولا عمي مفاجئ نتيجة صدمه
يبأه لازم الثانويه العامه تتلغي
عاوز بأه تخلي ابنك اللي كله طموح وااماااااااال ومخه دخ زري كده ودماغه نضيفه ومستقبله في اي بلد اوروبيه يبأه عالم زره دخلو ثانويه عامه
غش هتلاقي
تسريب امتحانات هتلاقي
ظلم هتلاقي
اسالة تعجيز هتلاقي
انا والله ماكنت مصدقه بتوع رياضه اتنين اما قالوا ان امتحانات جايه من بره المنجه الفيزيا والميكانيكا والهندسه الفراغيه و....و....
كنت بقول بيتلككوا
اما شوفت الاحصاااااااااااااء
اعدت ادعيلهم ربنا ينجيهم
تلت تربع صحابي كانو جايبين فوق ال 96 في تانيه وكملوا علمي
وجابو في تالته كلهم تحت السبعين الا النادر منهم جاب فيي ال80
وووووووووووووووووووووووووو
تحياتي
ربنا ميرجعها ايام
وانا بقسم بالله ان الثانوي العام لو فضلت علي نفس المستوي الهاااااااااااابط ده
انشاء الله يعني علي ولادي
والله انا اعلمهم صانعه احسن تنفعهم
وبس

معاكي حق والله يا مي
اصلا مش الثانويه العامه بس هي اللي فاشله دا التعليم المصري كله فاااااااااااااااااااااشل
علي فكره امريكا عملت دراسات بيقارنوا بين ذكاء الطفل المصري و اطفال العالم
اكتشفوا انه قبل الدخول في التعليم الطفل المصري بيبقي اذكي طفل في العالم
لكن بعد سنه اولي ابتدائي بيبقي اغبي طفل في العالم!!!!!!!!!!!
والانكت من كدا كمان ان الامريكان هم اللي بيعدلوا الدراسه عندنا وقال ايه
عايزين يلغوا كل الايات القرانيه من كتاب الدين!!!!!!!!
بس الحق مش عليهم الحق علي اللي ادالهم الفرصه انهم يتدخلوا في ديننا كمان
اهو دا اللي كان ناقص

وربنا يستر علينا بئا

زائر

كده احنا كلنا اثبتنا ان التعليم فااااااشل
وممكن دلوقتى اقول التعليم حاله هينصلح امته
طبعا انتوا عاوزين تعرفوا

(لما مصر تاخد كااااس العالم ان شاء الله)

يدينا ويديكوا طوله العمر ان شاء الله

يا بنتى قلبتى علينا المواجع و احنا على وش كليات
هى كانت تجربة صعبة فعلا و اكتر حاجة ضايقتنى فيها
ان اهالينا بيحسسونا ان الثانوية العامة دى هى مفتاح الحياة
فان جبت مجموع كبير فانت حد محصلتش
و ان جبت مجموع مش اوى فانت تبقى حد سورى يعنى زبالة
و مش عارفة ليه هم بيفكروا ان كليات القمة دى هى المدخل السحرى لعالم تانى
انا طبعا كنت رياضة و الامتحانات كانت فلة قوى
بس الحمد لله يعنى لسة الحال ماتخربش قوى
و ادينا هندخل كلية و خلاص و ده هدف التعليم المصرى
اللى هو يبقى الشهادة لمجرد الشهادة و بس
ربنا يستر على اخواتى و على كل الاجيال القادمة
و شكرا على الموضوع ده يا بوسى

شكرا على كل الردود دي
وربنا ما يعودها

بس انا عاوزة اقول حاجة
انا في سنة تانية جبت 91ونص في سنة تالتة جبت 84
بس انا اللى كنت السبب مش اي حد تاني
كنت سايقة العبط وكمان من غير رخصة
بس في الاخر مكانش فارق معايا مجموع لاني بقليل او كتير كنت هادخل اداب
والحمد لله اني جبت القسم اللى عاوزاه
بس انشالله الاستهبال اللى حصل في ثانوي مش هايحصل في الجامعه

فكرتنيني باغنيه متقلبش المواجع الجرح ده لسه واجع .......

تسلم ايديكي يابوسي Very Happy

hhhhhhhhhhh
kalam gamil gedan yalli 5alsto el sanawia
ana ba2a 3ysha ayam souda
ana fel snawya aho
gebt 85 f tani w mum w dad
aqamo 3lia el 7ad
el sanadi ba2a mbfta7sh ktab
w elly y2oli zakri a2olo 7ader
w are7o w are7 nafsy
el modarsen byshedo f sh3rohom mny
maesh wala modares by2ol ano ana
ally kant el sana ally fatet
msh moktan3en eno el wa7ed byt3"er
bs ll2asaf bnt3"er ll2aswa2 mn ally bnshofo
w t7eaty liky ya bosy

والله انتم كل يوم بتطمنونى على مستقبلى Very Happy

جميل موضوعك بوسى والله اعلم عشان الاهل بيكبروا الموضوع جدا وعايزين ابنهم يدخل كليه كبيره وبيدمروا اعصابه والله اعلم

نيس توبيك يابوسى