عمل الكنافه بالكستر
نبتدىبالكنافه
المقداير
1- كيلوا ونص كنافه
2-كيلوا سكر خشن وكيلوا عسل جلكوز للشربات وكيلو ونص مياه للشربات
3-نص كيلو لبن حليب و150 جرام نشا وينضاف على النشا ربع كيلو مياه
طريقه العمل
هجيب وعاء واقطع فيه الكنافه كويس اوى وهسخن شويه سمن بلدى علشان ادعك بيهم الكنافه واحط على الكنافه معلقه كبيره سكر خشن وادعك الكنافه بالسمن والسكر الاول وطبعا لازم اكون عامله الشربات وبرد وعامل الكريمه وجهزه ولازم اتاكد ان الكنافه كلها وصل ليها السمن قبل ما اعمل اى حاجه
2- ادهن الصنيه بالسمن البلدى كويس جدا جدا
3- افرش نص كميه الكنافه الموجوده معى فى ارضيه الصنيه بعد دهنها طبعا واهم حاجه انى افرش الكنافه كويس علشان الكريمه واخلى بالى من المنطاق الرقيقه وادعهما بالكنافه
4-وبعدين احط الكريمه فى وسط الصنيه على طبقه الكنافه بس فى الوسط وافرشه بى معلقه فى المنتصف وابعد عن حواف الصنيه لان الكريمه لما تسخن تفرش فى الصنيه
5- بعد ما فرشت الكريمه فوق الطبقه الاول من الكنافه هيتبقى عندى نص كميه الكنافه ابدا افرشه على الكريمه بحرص بحيث انى اغطى الكريمه وادعم حواف الصنيه كويس اوى
6- اذود شويه سمنه على الكنافه من فوق بعد فرشها واولع الفرن على نار هاديه وادخل الكنافه
7-بعد ما تخش الفرن ابدا ادور الصنيه واغير اتجاه كل دقيقتين فى الفرن لحد ما وشها يحمر
8-اطلع الصينيه واجيب صنيه اكبر شويه واحطها فوق الصنيه واقلب الصنيه على الوش التانى وطبعا فى تحذير الاخوه اللى معملوههاش قبل كده ياريت يخلوا بالهم منعا لحدوث اى حرق فى ايدهم لان الكريمه بتبقى ناااااااااار خلوا بالكم كويس اوى اوى اوى وان معرفتش تقلبها اتاكد انها استوت وضيف عليها شرباتها بعد ما تطلع من النار ولزم يكون الشربات بارد
طريقه عمل الشربات والكريمه
الشربات
هحط السكرمع المياه
واولع النار واقلب السكر فى المياه بتاعه لحد ما يغلى وبعدين اضيف العسل الجلكوز ليهم واقلب فيهم واهدى النار عليهم وخالى بالك العسل بيفور وممكن يغرق الدنيا لزم تكونى صاحيه
لما يبدا يغلى العسل مع السكر والمياه اسيبهم ربع ساعه كمان وبعدين انزله من على النار يبرد
الكريمه
هحط اللبن مع السكر يغلى الاول واكون مجهز النشا مع المياه فى وعاء اخر ولما يغلى اللبن ابدا اصب النشا على اللبن وهو بيغلى علشان يربط لحد ما يربط واطفى عليه النار
وكده يبقى خلاص هيه سهله جدا بس لزم شويه حرص
وبألف هنا وادعوالى وياريت تعرفونى عملتوا ايه
موضوع: طريقه عمل الكنافه بالكستر 
الجمعة فبراير 27, 2009 8:34 am
