مجزره تامر في المنصوره

إليكم ما حدث في حفلة تامر حسني ، اليكم الحقيقة كلها دون اي تزوير أو كذب أو قص . ميعاد الحفلة كان من المفروض أن يكون8.30 لكن الأمن رفض دخول اي احد حتى الساعة الثامنة ،
ثم أذن للبنات فقط الدخول تحت إجراءات أمنية مشددة ومع وجود عدد كبير من رجال الأمن في الطريق المؤدي إلى الملعب وكان الملعب كله مخصص للبنات فقط والمدرجات للاولاد مما شجع الكثير على القدوم هذا بالطبع كان في الأول عند دخول الملعب تجد على الstage فرقة للDJ وفى الحقيقة هذه كانت الجزء الوحيد الحلو في الحفلة حيث ظلت تطربنا بالاغاني وقد استمر هذا الجزء حتى الساعة التاسعة والنصف ولكنها انتهت بإعلان واحد من معاوني تامر حسنى بان النجم يرفض أن يحيي الحفلة إلا إذا امتلأ الملعب كله أمامه (وهذا بالطبع لكي يظهر في الكاميرا عدد اكبر من الناس) في البداية لم يصدق احد وأخذنا نهتف بالرفض والنداء على تامر حسني لكي يصعد إلى المسرح لكي يبدأ الحفل وظل هذا الشخص من فريق تامر في الإلحاح لكي ينزل كل من في المدرجات وقال بالحرف الواحد (الصبيان ع الشمال والبنات على اليمين) ولكن من وجهة نظر من يقف أمامنا ولكنه لم يلتفت لذلك ثم بدأنا نلاحظ أن كل من بالمدرجات تقريبا يقفز من فوق السور الفاصل بين الملعب والمدرجات كل من ناحيته حتى أصبح جميع البنات عبارة عن دائرة صغيرة في بحر من الأولاد الذين شجعوا بعضهم البعض للإحساس أن كل ما يفعلونه من التزاحم دون اعتبار للبشر الذين . كانوا يقفون في ذلك المكان . هو من حقهم الذين لم يأخذوه من البداية فأخذوه بالقوة والهمجية وفى النهاية أصبح تامر يغنى لمجموعة كبيرة من الأولاد بعد انسحاب البنات من ارض المعركة الطاحنة واضطر تامر بعد أن أعلن عن عدة بنات لم يتم العثور عليهم في التزاحم قرر التقسيم مرة أخرى بين الصفوف ولكن لا حياة لمن تنادى فلم يدرك الفنان ان ما توصل إليه الأولاد من الصعب التخلي عنه برجاء من نجمهم. وقد انتهت الحفلة بعد نصف ساعة من بدايتها ولم يطربنا النجم إلا بخمس اغاني فقط.
وانا جايبه فيديو من موقع

والنتيجه بتاعت الحفله دي:
11 طالبه في المستشفي والسبب تامر حسني وكام واحد وواحده كده ماتوا بس يعني وكل ده ليه عشان الاستاذ تامر حسني يقبض في الاخر 200 الف بس قليل عالمجهود الي هو عمله فعلا اتمني ان كل يتعظ بقي وبدل ما الفلوس تروح لتامر كانوا كل الي دفعوا فلوس للاخ تامر كانوا يدفعوها في غزه والله افيد

http://arb-video.blogspot.com/2009/02/2009_8025.html
منقول

زائر

شكرا ليكي على موضوعك الرائع وفعلا كلامك مظبوط مليون في الميه

انا اعرف ناس كتير راحت ورجعت وهيا بتندم انها راحت

شكرا لموضوعك وتقبلي مروري

العفو وشكرا كتير لمرورك وتشريفك موضوعي

شكرا ياسمول بجد الموضوع جامد

شوفوا المقطع ده من برنامج 90 دقيقه

شكرا كتير لمروركم وتشريفكم الموضوع وشكرا كتير عالفيديو

انا كنت في المدرجات مع اصحابي وشغلنا اغاني على الموبايل ونفضنا لتامر
ماله وائل جسار يعني حتى احلى منه

زائر

شكرا سمول بيبي
متقلبيش عليا المواجع

زائر

هو تامر ماله العيب كله فى التنظيم هو تامر يعنى كان منظم الحفله؟؟؟؟

انا اول مرة الصراحه اسمع عن حفله البنات فى الملعب والشباب فى المدرجات

عموما يعنى كل الى حصل دا اساسى فى اى حفله

شكرا ليكي ياسمول علي التوبيك الجميل ده
بس كنت عايز اقولك ان الحفله باظت مش ذنب الاستاذ تامر زي مانتي قولتي كده ده سوء تنظيم الدي جي بتاع الحفله اللي هوا ياسر الحريري ياسر الحريري قال في المايك تامر ياجماعه عايز كل الشباب اللي في المدرجات تنزل تحت في ارض الملعب هو ده بقي اللي حصل وبوظ الحفله عشان احنا شعب همجي وبنحب الهيصه والهمجيه وكان ساعتها تامر في الطريق لسه مجاش الحفله

وبرده اقول مش ذنب ياسر الحريري لما مسك المايك وقال ياجماعه تامر عايز كل الشباب تحت في الملعب مع البنات

هو فعلا في حفله في الدنيا او عمرنا سمعنا عن مغني فحفله...... الشباب في ناحيه والبنات فناحيه تانيه هوا احنا رايحييين نصلي ولا ايه!!!!!!!!!!!!!!!!!!!

وكمان انتي قولتي ياسمول ان تامر اخد 200 الف جنيه باقل مجهود
اقسم بالله العظيم انا شايف العقد بعيني هما 180 الف جنيه بس وكانوا رايحين للستيدج والكاست بتاع تامر والديجي وكده يعني تامر غني في المنصوره ببلاش

وكمان ياسمول انتي بتقولي ياريت الفلوس دي كانت تروح لغزه فعلا تامر اتبرع بجزء من فلوسه لغزه بس مش فلوس الحفله لا دي فلوسه هوا شخصيا عشان هوا مختش اي فلوس من الحفله بتاعت المنصوره دي

( احنا المنصوراويه مش بتوع حفلات )

تامر في رفح دلوقتي بيتبرع بفلوسه لغزه
حصري والله ياجماعه

مجزره تامر في المنصوره Show.php?m=MDkwMg==&file=5f9fd7df13

زائر

يا عم محمود دال مش بيحبوا تامر

زائر

انا اللي خرمت الربع جنيه كتب:: وبرده اقول مش ذنب ياسر الحريري لما مسك المايك وقال ياجماعه تامر عايز كل الشباب تحت في الملعب مع البنات

هو فعلا في حفله في الدنيا او عمرنا سمعنا عن مغني فحفله...... الشباب في ناحيه والبنات فناحيه تانيه هوا احنا رايحييين نصلي ولا ايه!!!!!!!!!!!!!!!!!!!

معلش يا محمود بأه
احنا اها مش رايحين نصلي
ومينفعش اننا نقارب موضوع الغناء بالصلا
بس فيه مليون حفله اتعملت وكانت بنات في مكان وشباب في مكان
واخرهم حفلة حماقي السنه اللي قبل اللي فاتت في استاد الجامعه
وحفلة هشام عباي في بورسعيد وكانوا حفلات بجد تحفففففففففه جدا جدا دا
وانا مبطيقش تامر ومروحتش الا عشان نهيص انا واصحابي ونقضي يوم مع بعض
واقسمم بالله لو اعرف ان فيه شباب هيدخلوا ودفعولي مليون جنيه ولا تلزمني
ولا انا ولا اي بنت
مافيش بنت ترضي بالبهدله اللي حصلت دي يامحمود
احنا في مصر متنساش دي
وحتي لو البنات رضيو بكده
المفروض فيه تنظيم وفيه امن
وقبل كل ده في حاجه اسمها رجوله اللي للاسسف انعدمت من عند البشر
وللعلم ان اقسم بالله وانا مسؤوله علي الحلفان ده قدام ربنا
كل البنات اللي بلتهم في الحفله
اكتر من 11 بنت
قالت انا مبطيقشتامر حسني
وجايين مقضيين يوم مع بعض فرصه
دي جي وكلنا بنات مع بعض ومافيش ولا شاب معانا
يعني مش جايين عشان سوالد عيون تامر
وكل البنات شتمته ودعت عليه واحنا ماشيين
واعدنا نقوله امشي مش عاوزينك
ملحوظه مهمه
البنات اللي سورئوا مش سرئوا اعجابا بيه
دولحصلهم كده من الخنقه اللي كانت موجوده
مكنش فيه نفس اصلا الواحد يتنفسه
حصلهم اختناق

وكمان انتي قولتي ياسمول ان تامر اخد 200 الف جنيه باقل مجهود
اقسم بالله العظيم انا شايف العقد بعيني هما 180 الف جنيه بس وكانوا رايحين للستيدج والكاست بتاع تامر والديجي وكده يعني تامر غني في المنصوره ببلاش

ببلاااااااااااااااااش
تامر حسني بنفسه قايل انه اخد فلوس انهارده وهو بيتكلم في برنامج 90 دقيقه بتاع معتز الدمرداش
الاعاده بتاعتها بكره الساعه 9 الصبح
ياريت تتفرجوا وتشوفوا

وكمان ياسمول انتي بتقولي ياريت الفلوس دي كانت تروح لغزه فعلا تامر اتبرع بجزء من فلوسه لغزه بس مش فلوس الحفله لا دي فلوسه هوا شخصيا عشان هوا مختش اي فلوس من الحفله بتاعت المنصوره دي

لما هو ياحبيب عين مامته امير اوي كده وطيب ومؤدب وكويس وحلو
منهاش الحفله ليه اول 5 دقايق وهو شاييف البنات قدامه بيتداس عليها
وام قدام عنيه بتصوت علي بنتها اللي عندها 4 سنين وضايعه
واعد ينادي عليها بالمايك
او علي الاقل كان ادي رست علي اما الحفله تتنظم
او علي الاقل كان احترم الميعاد
معاده 8.30 جايالسعه 10.15
اسفه اني طولت
واسفه كمان لو كنت اندفعت
بس اللي شاف غير اللي مشفش
انا كنت واقفه علي الاستيدج فوق عشان لو نزلت تحت كنت هقع وهيداس عليا زي باقي الناس اللي اتداس عليها
جه واحد لابس بدله بتوع امن الجامعه
كل همه ان محدش يقف عالاستيدج عشان تامر حسني مش يجيلو برد
تحيا مصر

( احنا المنصوراويه مش بتوع حفلات )

تامر في رفح دلوقتي بيتبرع بفلوسه لغزه
حصري والله ياجماعه

زائر

ايه يا مى انتى قلتى بنفسك انك مش بتحبى تامر

يبها خلاص بقا رحتى ليه من الاول
بتقولى رحت انا واصحابى على شان نهيص
مانتى عندك مليون مكان تانى غير استاد الجامعه
اشمعنا رحتى هناك

ولا على شان انتى مش بتحبى تامر يباه الغلط عليه

واخرهم حفلة حماقي السنه اللي قبل اللي فاتت في استاد الجامعه
الحفله دي انا رحتها مسمعتش فيها ان الشباب لوحدهم والبنات لوحدهم كنا كلنه مع بعض يعني انا مثلا رايح الحفله مع خطيبتي اسيب خطيبتي مع البنات واروح انا اهيس مع الشباب
طب دي تبقي حفله بالذمه

مافيش بنت ترضي بالبهدله اللي حصلت دي يامحمود
احنا في مصر متنساش دي
وحتي لو البنات رضيو بكده
المفروض فيه تنظيم وفيه امن

يعني برده مش ذنب تامر حسني وكمان ذنب التنظيم والامن

ملحوظه مهمه
البنات اللي سورئوا مش سرئوا اعجابا بيه
دولحصلهم كده من الخنقه اللي كانت موجوده
مكنش فيه نفس اصلا الواحد يتنفسه
حصلهم اختناق

دي بقي انا معاكي حق والله فيها

الجرايد بقي بتكتب وتقول البنات سرئوا عشان خاطر عيون تامر
وان كان فيه واحده حامل واجهدت في الحفله
ال ايه جايه الحفله عشان تتوحم علي تامر (كلام جرايد)
انا كنت في الحفله وكنت متابع الحفله من اولها للاخرها ....

ببلاااااااااااااااااش
تامر حسني بنفسه قايل انه اخد فلوس انهارده وهو بيتكلم في برنامج 90 دقيقه بتاع معتز الدمرداش
الاعاده بتاعتها بكره الساعه 9 الصبح
ياريت تتفرجوا وتشوفوا

الفلوس دي كلها صدقيني اقسم بالله العظيم راحت للدي جي والكاست اللي معاه كلهم دول 180 الف بس
وكفايه الدجي لوحده اللي كان في الاستيدج
وهوا مخدش من الفلوس دي اي حاجه ..

لما هو ياحبيب عين مامته امير اوي كده وطيب ومؤدب وكويس وحلو
منهاش الحفله ليه اول 5 دقايق وهو شاييف البنات قدامه بيتداس عليها
وام قدام عنيه بتصوت علي بنتها اللي عندها 4 سنين وضايعه
واعد ينادي عليها بالمايك
او علي الاقل كان ادي رست علي اما الحفله تتنظم
او علي الاقل كان احترم الميعاد
معاده 8.30 جايالسعه 10.15

تامر اول ماطلع وغني اول اغنيتين قال ياجماعه انا مش هقدر اكمل الحفله وفيه ناس تحت بتموت Sad

فعلا انا واحد من الناس كنت بمووت من الزحمه والخانقه وقال فيين التنظيم وفين الامن وفين المنظم الحفله ومعرفش يكمل الحفله
لحاااااااااد اما جه الباشا الكبير منه لله رئيس الجماعه وقاله كمل وعماله كده بايديه يعني استمر بس لخص وده اللي حصل
لو حد شاف عنين تامر ساعتها كان خايف اووي وفي نفس الوقت عايز ينهي الحفله بسرعه ورئيس الجامعه بيقوله كمل و4 شباب حاضنين تامر وموقعينه علي الارض Very Happy

وكل ده وهوا بيغني والله ياجماعه ومش عارف ينهي الحفله

تامر لو ادي رست زي مانتي قولتي كان كل الشباب اللي كانوا تحت هجموا عليه وضربوه كان هيروح فييين وكمان مفيش امن يعني بالبلدي كده كان لازم ينهي الحفله بسرعه ومرداش ينهيها الا بعد نص ساعه عشان خاطر الناس اللي دافعين تذاكر وكمان الناس اللي جايه من بره المنصوره عشان يجوا الحفله Very Happy

من ناحيه التاْخير تامر كان ميعاده الساعه 9 وبالفعل دخل الاستيدج الساعه 9 ونص يعني تقريبا النص ساعه دي مش تاْخير اووي

محمود (اللي خرم الربع جنيه)
صديق تامر حسني .......

يا ابنى احنا الشعب كدا شايفين لمه لازم نروح نتفرج اذا كانت خناقه او اذا كانت حفله
وبعدين هى واصحابها رايحين استاد الجماعه وتامر هناك وفيه مليون واحد هناك هيروح يعدوا فى كافتريا فى الاستاد وفيه حفله برده بتتعملوا وممكن يتفرجوا وبعدين هى قالت برده لو هى عرفت من الاول ان الحفله هتكون كدا والولاد عملوا الى عمله مكنتش راحت مش تجيب الغلط عليها
وبعدين انا اهو بحب تامر حسنى اه وكل حاجه ولسه بحبه يعنى
بس فيه حاجه الوقتى العيب كله مش فى تامر حسنى العيب كله فى التنظيم وغير كدا ان مكنش فيه امن زياده على المكان ده كله
يعنى من الاخر الى منظم الحفله هو السبب الرئيسى فى الهمجيه الى حصلت دى هناك
وبعدين فعلا جزء من الفلوس دى فعلا راحت لغزه وهو معتز بتاع 90 دقيقه استضافه قبلها قبل الحفله تقريبا او تامر كلمه فى التلفون وقال ان الحفلات الى هيعملها هيتبرع منها لصالح غزه
وبعدين فى حوار المعاد ان هو جه 10 ونص اه فعلا الموقف يضايق ووحش برده بس اكيد الراجل له سبب يعنى ان هو يتاخر او حصل حاجه يعنى
وزى ما انتى قولتى يا مى معتش فيه رجوله فى البلد دى كلها

شكرا ليكى يا سمول

بس فيه حاجه الوقتى العيب كله مش فى تامر حسنى العيب كله فى التنظيم وغير كدا ان مكنش فيه امن زياده على المكان ده كله
يعنى من الاخر الى منظم الحفله هو السبب الرئيسى فى الهمجيه الى حصلت دى هناك

هو ده شكرا ليك ياتيجر

يعني تامر مش زنبه اللي حصل هوا الرجل جاي يغني ويمشي ومعرفش يغني !!!

زائر

اقتباس :: وزى ما انتى قولتى يا مى معتش فيه رجوله فى البلد دى كلها

اومال انتا ايه يا تايجر مش تاخد بالك من كلامك

اولا شكرا كتير لمروركم الكريم
ثانيا انا مش قصدي عالفلوس الي اخدها تامر دي مثلا خساره فيه او كده انا قصدي عالناس الي دفعت دي بدل ما كانوا يدفعوا فلوس عالفاضي ويروحوا هناك ويموتوا كانوا هما الي ودوها لغزه
وبعدين اذا كان تامر حسني فعلا طيب كده وامير يخلي ازاي البودي جارد بتوعه يكهربه الناس عشان محدش يقربلهمش من حقه خالص انه يعمل كده وبعدين هو ده يعني جزات الناس الي بيحبوه انه يكهربهم وبعدين علي راي مي فعلا معدش في رجاله حتي لو كان التنظيم وحش يعني لو في رجاله هناك فعلا كانوا يحسبوا للبنات هو لازم يعني الاخ الي بينظملهم الحفله هو الي يحركهم لو كان الي هناك عندهم دم كانوا هما الي خافوا عالبنات لكن ازاي كلوا يضحي باي حد عشان تامر حسني يالا اهي ناس فاضيه
المهم شكرا كتير علي المرور والاهتمام

[/center]

زائر

zoro mad كتب:

ههههههههههههه
بصراحه ياهاني معرفش اماكن تانيه ممكن بنت تروحها تعد فيها هي واصحابها
وتعيش الجو اللي كنا عايشينه في اول الحفله قبل المهازل اللي حصلت
اها مبحبش تامر
وانا مقولتش الغلط كله علي تامر
انا قولت هو غلطان
هو مش ملاك يعني واحنا اللي غلطانين
هو غلطان
غلطان عشان اتاخر عن ميعاده وكان 8.30 مش 9 يا محمود
ودخل 10.15 بالظبببببببببببببط
مش 9.30 يا محمود
وهو قال في البرنامج بتاع 90 دقيقه انا مش هقولك انا مخدتش فلوس لا انا اخدت فلوس واتبرعت بجزأ منها

وعلي فكره تامر حسني ده ماهواش عدوي يعني
ده انسان اتفه من انه يكون كده بكتيييييييييييييييييير
وبعدين محمود بتقول ان تامر لو كان ادي ريست كان هجمو عليه ضربوا
والاتنين الجتت اللي كانو معاه
غير امن الجامعه اللي كان هيزقني يموتني وانا واقفه علي الاستيدج عشان سواد عيون سي تامر حسني
وعلي فكره
انا كمان كنت في الحفله وكنت متابعاها لحظه بلحظه
واكيد طبعا الحفله لازم تفشل
مطرب فاشل + تنظيم فاشل = حافله فااااشله

[/size]

يا جدعان انا عاوز اوصلكوا حاجه ان تامر حسنى مش ذنبه الى حصل وبعدين ازاى هو هينظم لنفسه يعنى
مليون ولد وبنت يعنى ويا ترى لنا الهمجيه دى حصلت هو فى ايده يعمل ايه والله لو قالهم يا ولاد خليكوا زى ما كنتوا موجدين والله ولا واحد هيمشى وهيفضل فى مكانه حتا لو جابوا امن من مصر حتا
وبعدين يا هانى بتقولى اخد بالى من كلامى على موضوع الرجوله ده
انا مش بكلم عن نفسى يا حبيبى انا بكلم على الى حصل فى الجامعه من الولاد
وانتا عارف هما عاملوا ايه كويس يا ترى لو كل واحد فيهم ليه اخت تحت كان هيعمل كدا
لو كل ولد من الولاد دى ليهم حد مهم تحت هيعملوا كدا اكيد طبعا لا والولاد ما بيصدقوا اصلا انهم جاتلهم فرصه زى دى اصلا اكيد مش هيضيعوها اكيد بقا هما مش رجاله كلهم وكلهم ............. فاهمنى طبعا

ثانيا يا سمول قى حكايه الكهربا دى انتى لو كنتى هناك سيبك من الفيديو الى انتى شوفتيه
تخيلى نفسك مشهوره اوى وعاوزه تنزلى من المنصه وفيه يجى 100 واحد مش عاوزسنك تعدى الا لما يشوفوكى
والامن اعد يقولهم انزل يا حبيبى انزل يا بابا مش بينزل
هتعملى ايه ؟؟؟؟؟؟؟؟؟؟
وبعدين هما مش اكهربوا هو خوفوووهم بس واذا اكهربوا يبقى حاجه بسيطه هو ممسكش كل واحد وحط الكهرباء فى جسمه لو تلاحظيها يعنى وبعدين الى يجى الحفله جاى يسمع واحد بيحبه او مش بيحبه جاى يسمع اغانيه وبس ولما المطرب يخلص غنا يبقا كدا الحفله خلصت ليه بقا تروح ولازم تشتم المطرب او لازم تشوفه حتا ومعاك اكتر من 100 واحد طب هو عايز يعدى يعمل ايه وبعدين برده هاقوللك الامن الى عمل كدا وتامر حسنى مالهمش يا امن هاتوا الكهربا وهاتوا العصيان واضربوها فى العيال دى عشان عاوز اعدى
الامن عمل كدا برده بمزاجه

يا مى الغلطه الوحيده الى تامر غلطها انها بتاعت التاخير دى
اه غندك حق انك تكونى مضايقه عشانها ومش هعرف ارد على التاخير ده
وبعدين فى حكايه الريست دى والضرب وبتقةلى الاتنين الجتت الى معاه دول ايه
والله انا شايف يجى 500 طالب يعنى لو نقوا منهم 10 ولاد على الجتت دى بس
يبقى الجتت الى انتى بتقولى عليهم دول الله يرحمهم حتا لو كانوا معاهم ايه

وبعدين انتى كاتيه
مطرب فاشل + حفله فاشله = تنظيم فاشل
نعم ده ايه ده بقا
انتى شايفه ان تامر حسنى مطرب فاشل
مع كل الجماهير دى مش بكلم على المنصوره
انا بكلم فى مصر واسكندريه والاردن ودبى وكل الحتت الى غنا فيها
يبقا تامر كدا مش فاشل
حفله فاشله اولا الاحفله مش كانت فاشله ولا حاجه احنا الى خليناها وحشه وفاشله
تنظيم فاشل لا ده مش فاشل بس دى زبااااااااااااااااااااااااااله

هنقول بقااااااااااا

تنظيم فاشل + امن مش كفايه + نو رجوله = انتى عارفه بقا تساوى ايه

قول ايه بعد الكلام اللي انتا قولته ياتيجر

معلم يابني Laughing

شكرا يك يا حوده باشا
لازم نحدد موقفنا
ههههههههههه
وواد يا محمود
ادخل على قناه مزيكا
ونزل الميجا مكس الى هنا عاملين
فى المنصوره لتامر حسنى
انتا موجود جايبينك ياض على الهواء وربنا
انتا وواحد صحبى كان هناك والله
اشطه يا عم طلعتوا على الهواء

شكرا كتير لمروركم بس في برنامج 90 دقيقه مراسل روز اليوسف بتاع الدقهليه قال ان في بنات اخدت صاعقه من الكهربا وبعديين حتي لو محدش اكهرب تامر ملوش حق ان يزعج الناس كده ويخافوا برده بس وهو ده راي بصراحه بس شكرا كتير لاهتمامكم

زائر

كل الى حصل دا اساسى لاى حفله
وعلى فكرة تامر قال ان مدير اعماله مكنشى موجود يوم الحفله دا معاه
وهو فال انه مقلشى لحد ينزل الشباب
وقال كمان ان منظم الحفله هو الى قال تامر بيقول عاوز الشباب
وتامر ساله انتا ليه قلت كدا
قال على شان انتا جاى تغنى للمنصورة مش للبنات بس
يبأه ايه بقا الى يخلى الشباب فى المدرجات
ومنظم الحفله قال انا عمرى مشفت نظام بالطريقه دى يقصد يعنى فصل البنات عن الشباب
وتامر قال انا فوجئت لما شفت الى كان موجود دا
وقال برد تامر ان لائيس الجامعه فوجئ بالعدد الكبير دا
هو كان متوقوع 15.000او 10.000 وطبعا العدد جه اكتر مما يتصور
واخيرا احب اقول لو تامر مغنى فاشل طب ليه العدد دا كله كان موجود يوم الحفله؟؟؟؟؟؟

أنا كنت هناك ساعتها دخلت خمس دقايق عشان صحباتى كانوا عايزين يشوفوه وخرجت علطول وفضلت انى اتمشى فى الجامعه بدل الهبل وعدم النظام اللى كان هناك دا