كل سنة وانتم طيبين وبعودة الايام يارب ......وميت تليفون ومتين رسالة وحورات ولقاءات وحفلات وحورات
ايه احنا في رمضان ولا ايه؟؟؟؟ اه والله حقيقي انا مستغرب وحاسس ان السنة الجايه اليوم ده هيكون عيد قومي ؟؟؟
انا مش معترض علي عيد الحب طبعا لاني بحب وبحتفل فعلا في اليوم ده ...انا معترض علي المظاهر الي مبالغ فيها
والاهتمام الزيادة عن اللزوم يعني مولد النبي مش بتهتهم بيه كل طوائف الشعب زي ما انا شايف كده ...
الغريب بقي ان رغم كل الهوليلة دي ان للاسف مفيش حب ...اه والله ده حقيقي ...ومش بقول كده تشائما ولا ني كاره للحب
احكيلكم بقي انا عرفت كده ازاي ....قدر الله انه يحصلي اصابة كده وانا بمارس رياضتي المفضلة كرة القدم فاجبرتني ان
مش اتحرك من السرير لمدة عشر ايام وللاسف حصلت من اسبوع ....وللاسف مش شفت الانسانة الي انا بحبها وقعدت في البيت ...فالطبيعي اني اكون ملازم للتلفيون والنت
وانا بافرج علي التليفزيون الصبح ....جه بالصدفة علي قناة لقيت شاب واقف عمال يطنط اكيد انتوا عارفين زي ايه ..وعمال يقول( يله يا جماعه سجلوا تليفوناتكم عشان تكسبوا معانا)
شدني بس المنظر العام والديكور والشاب الغريب الي واقف الي بصراحة اتلخبط بينه وبين اختي ...المهم شوية كده (ترررن تررن )
الو ايوه مين معايا ؟؟؟؟ صوت رقيق كده بيقول (الو ايوه يا ......علي فكرة انا بحبك اووي وانت عسل وانت سكر )) واكيد بقيت الحوار انتوا عارفينه نبتدي نسمع سلسلة من الضحكات
والكلام الي بعتبرة انا مسف ...السؤال هنا يا تري الانسانة الي اتصلت دي وغيرها من اتصلوا بيحبوا ...؟؟؟ اعتقد لا لانهم لو كانوا بيحبوا مش كانوا اتصلوا اساسا ...لانها مش بتحب سوسن يعني ...
الظاهرة التانية انكم لو حد منكم نزل الشوارع هيلاقي الدنيا حمرااااااااااااااااااااا ....ده اكيد مش عشان الاهلي كسب لانه بيكسب علطول ...لا ده علشان عيد الحب
الغريب هنا بقي ان نسبة المرتبطين او الي بيحبوا مش تتعدي ال 10 في المية والباقي سوري منظرة موضة يعني بيواكبوا العصر او المغرب والله مش بقت فارقة .....
الكلام ده انا شوفته بعنية السنة الي فاتت ما بالك السنادي النسبة بقت كام ؟؟؟؟؟؟؟
االاغرب بقي الناس الي ماشية ماسكه دباديب وورد وهي برضه زي الي لابسين احمر كده عشان خايفين ينزلوا الشارع ويعرفوا الناس انهم مش بيحبوا ....؟؟
ياخبر ايه ده ايه ده ؟؟؟ عيد حب ده ولا دعوة للكذب ولنفاق النفس .....حاجه فعلا مخجلة ازاي ناس تبيع نفسها وفكرها لمظاهر كدابة....
مش عيب ابدا انك يعدي عليك عيد حب وانت مش مرتبط مش شئ يعيبك ولا يقلل من قيمتك اطلاقا ..............
حقيقي انا بزعل اووي لما الناس تزعل علي حاجات مش تستاهل .؟؟؟
وفي الاخر بدعي ربنا ان يرزق كل حد بحبيب يعيش معاه عيد الحب وبقيت حياته .....
اخوكم احمد
كتب الموضوع بالعامية لتقريب الفكرة
موضوع: في عيد الحب (سوري مفيش حب ) 
السبت فبراير 14, 2009 4:03 pm
هتلاقيها تطلع اى حجه وخلاص
