برنامج (حلقه من القلب للقلب )

السلام عليكم ورحمة الله وبركاته

أهلا بيكم جميعا

أخواتى - أصدقائى
شباب من ( بنات - أولاد )

طبعا كلنا هنا واحد وهنفضل أن شاء الله واحد
بنتكلم وبنحكى على الى بيدور جوانا من مشاعر وكلمات وأحساس

بس صدقونى ناقصنا حاجه واحد هى روح التعاون والتفاعل
ان ياما نزلت موضوعات قبل كده وكنت بتمنى وبحلم ان ألاقى صدى اكبر بس للأسف بشوف العكس
فى نفس الوقت انا موش هيأس لأن دى بجد رسالتى ونفسى فعلا اقدمها ليكم انتم وأكملها معاكم
علشان نقدر نقاوم حياتنا ونواجه الصعاب الى بنقابلها

----------------
حوار من القلب للقلب

نفسى بجد انك تتكلم انت وهى وأنا معاكم
كلنا نقول الى جوانا
نقدر نشارك رأينا لبعض نقدر نفهم بعض أكتر ونقرب المفاهيم
-لو مضايق من حاجه تقدر تحكيها هنا معانا وانا وغيرى هيسمعك !
-لو نفسك تقول جملة حب قولها وأحنا كلنا هنقدرك !
-لو عايز تقول اى حاجه خاصه بحبك ؟؟ اتفضل فى الموضوع ده كلنا معاك !
-لو قادر تحكى قصتك أحكيها ممكن نتعلم منك وهنكون فى أمان !
الموضوع من الاخر يااجماعه حرية ليكم
عبر عن نفسك : ( زى ماانت عايز ليك حريتك )
عايزين نفضفض ونتكلم ونكون مع بعض دايما

عايز كل واحد منكم فعلا يحس انه فى بيته او فى مكان بيرتاح فيه
كلنا هنا أخوات

ياريت كل الى يدخل الموضوع يتكلم ويعبر عن الى جواه

موش عايز احس بجد انى عملت شىء مالهوش قيمة
عايز فعلا احس بيكم ونحس كلنا ببعض ااننا بنقدم شىء كويس
ونرتقى بقلوبنا ونعبر عن الى جوانا بشكل جميل متميز

ياريت محدش يتحرج ان يتكلم ويعبر عن نفسه !
ياريت فعلا تحس انك هنا فى امان وكلامنا كله أسرار !
ياريت محدش يتكسف ويقرأ الموضوع وميتكلمش معانا !
فكر مرة وأتنين وشارك .. ولما هتشارك غيرك هيشارك ويكون الموضوع ليه أهميته وكلامك ليه معنى وكلنا هنقدروا
لازم لازم بجد نكون ايد واحده !

انا فى أنتظار المشاركات الجاده من الجميع
وأتمنى الأستمرار
وانا واثق فيكم اننا هنعمل موضوع مفتوح (حوار من القلب للقلب )

طبعا انا موش هقدر أقدم موضوعات لوحدى ولاأكتب كلام وخلاص
لازم كلنا نفوق بقى ونتحرك ونكتب ونعبر عن الى جوانا
نعيش بجد ونعيش صح
ياترى مين معايا فى الموضوع ومين هيتكلم ومين هيعبر مين هيفضفض يالا انا فى الأنتظار

مع خالص حبى للجميع

الاول موضوع جامد جدا

وانا حكايتى كلها فى جملتين

حبيتها وهى ماقدرتنيش
خسرت اغلى ماعندى عشانها وهى باعتنى فى اول مشكله قابلتنا

موضوع جامد جدا يا تايجر

بس انت ليه يا جوست بتقول انها باعتك
مش يمكن دا رأيك انت بس وهي مش باعتك ولا حاجه
مش يمكن مش حبت انها تعمل حاجه غلط او تخبي اي حاجه عن اهلها
المفروض تعرف ايه السبب بالظبط في بعدها عنك يمكن غصب عنها

عندك انا وانا ما قلتش اننا ما اعرفش السبب
السبب مش حكايه انها ماحبتش تعمل حاجه غلط زى ما انت بتقولى وكان بمزاجها
مش غصب عنها وكان السبب انا مليش دخل فيه خالص
وملوش دعوه بيا بس هى طلعتنى انا المذنب الاول

خلاص يبقي اللي يبيعك بيعه
ومش تعيش نفسك بين اطلال الذكريات
واكيد هتقابل انسانه تانيه تقدر حبك ليها
ومش تحاول تفتكرها ابدا
يعني م الاخر انساااااااااااااااااااااااااااااااااااااها

ماهو دا اللى انا بعمله
والحمدلله يعنى خلاص ما بقتش تفرق معايا

موضوع جامد جدا يا تايجر

بص يا لاف جوست واضح ان سنك 15 سنه الوقتى انا مش هاكلم عليك لان احنا رجاله ويمكن التعامل مع الولاد غير التعامل مع البنات بس اكيد الى انتا هتحبيها مش هاتكون اكبر منك يا اما هتكون اصغر يا ام قدك والعقل بتاع البنات الى بيكون فى السن ده بيبقى وحش بيبقى من الاخر سنه مراهقه وكدا والبنت متقدرش تحدد الى هى فيه ده حب ولا اعجاب هى بتعمل بس زى ما اصحابها بيعملوا شايفه اصحابه بيحبوا وبيكلموا على الولاد وكدا وهى بتكون عاوزه تجرب واذا لقيت حد احسن منك هتسيبك وتبيعك زى ما انتا قولت كدا وهو ده الى هى عملته انتا متزعلش عليها ولا تزعل انتا اصلا لان لسه قدامك ايام يعنى جامده كتير وهتلاقى حد يقدرك ويحبك بجد بس نصيحه منى انتا مش تدور على الحب خلى الحب هو الى يدور عليك

عندك حق يا تايجر
انا بجد بطلت حكايه انى ادور على الحب
بس انت عارف ان اول حب صعب يتنسى بسهوله

انتا هتقول انا عارف ان هو صعب جدا بس اعرف برده انك انتا لسه اعد بتتنفس
ولسه عايش يعنى ومش هتوقف حياتك على اول حب يعنى
لحظات الحب دى الى انتا عشتها معاها اوع تندم انك انتا عشتها معاها
حتى لو كانت جرحتك وباعتك وبقيت جواك وبتالمك فطالما هى راحت
اوع تنسا انها فى يوم اديتك كل حب انتا حسيته منها
واكيد هتحب تانى يعنى يا ابو حميييييييييييد

اوك يا باشا

وبعدين هو انا هحكى لوحدى
احكوا انتم كمان منكم نستفيد

ما انا مستنى اهو يا عم

ما انا المدير

ههههههههههههههههه

اشطه ياعم المدير ياجامد انتا ياجامد مفيش حد عايز يحكيللك حاجه
اتحيل عليا شويه وانا ممكن افكر ان احكيللك

لا يا عم مش تحكى خالص الحوار ده مش اجبارى
انتا ممكن تخش ومش ترد عادى دى براحتك يا حبيبى
هىهىهىهىهىهىهىهىهى