الي الاخت الفاضله (مي)

السلام عليكم ورحمه الله وبركاته

الي الاخت الفاضله (مي)

انا كنت منزل لعبه وهي (ادخل وسجل حضورك بالصلاه علي النبي (ص ) واكتب اسم من اسماء الله الحسني )
ممكن اعرف من حضرتك ليه حذفتي التوبيك ده وقفلتيه تقريبا مش حرام ..الصلاه عالمصطفي صلي الله عليه وسلم
وكمان ذكراسماء الله الحسني..

الموضوع دا اتحذف يا حوده علشان حصل خلاف كبير عليه
لان في أراء بتحرم الذكر الجماعي وبتقول انه بدعه
وكان في لعبتين قبلهم نفس النظام واتحذفوا للسبب دا
بدل ما ندخل نفسنا في دائره الشك انه حرام ولا حلال
ارجو انك تكون تفهمت السبب

اها بس انا مش شايف ان هيا حرام ... بس هقول ايه .. الله اعلم

ميرسي اوووي ليكي علي الرد

انا فهمت ..والله اعلم

بص يا حودة

بالظبط زي ما ندى قالتلك كده
احنا قبل كده عملنا حوار كبيييييييييييييييير اوي بسبب موضوع زي ده تقريبا
ولكن بعد ما دورنا وسألنا علشان نعرف اذا كان حلال ولا حرام لقينا ان في اختلافي كبير
وان الأراء اختلفت ما بين مؤيد ومعارض
والحمد لله ربنا وفقنا وقدرنا ننزل موضوع عن حكم الذكر الجماعي في المنتديات
وانا بركز جامد ع كلمة في المنتديات دي
علشان مفيش حد يجي يدخلنا في اي متاهات تانيه ويقول طيب ما في حلقات ذكر في المساجد ومش عارف ايه
ويبقى هو بيتكلم في وادي واحنا في وادي تاني
احنا بنتكلم عن الذكر الجماعي في المنتديات
وفي الموضوع اللي موجود في القسم الأسلامي حكم الذكر الجماعي في المنتدياتهاتلاقي موجود ضمن الموضوع مثال زي اللعبة اللي انت نزلتها تقريبا واتقال ان ده لا يصح
فاحنا من باب اتقوا الشبهات
حبينا نقفل الموضوع احسن سواء هو او اي موضوع تاني ليه نفس الهدف
طبعا انا حابب احييك ع مجهودك وانك بتحاول توجد الجديد في المنتدى وطبعا احنا عايزين ده يكون موجود باستمرار
لكن بالنسبة للموضوع ده فمش هانقدر انه يكون موجود

وطبعا الله اعلم بكل شيئ ..........

واسف لو كنت طولت عليك

وتحياتي ليك يا حوده وللمرة التانيه بحييك ع مجهودك الرائع في المنتدى

اها اوكي انا والله مكنتش اعرف خالص ..... الذكر الجماعي في المنتديات

تسلم ايديك ياميدو ومي بجد تقبلوا اعتذاري انا مكنتش اعرف .. خالص

وميرسي اووي علي مروركم

محمود (اللي خرم الربع جنيه )

يا باشا مش مستاهله انك تعتذر ولا حاجه احنا بس حبينا نوضح الأمور لأن انت اكيد لو تعرف ماكنتش هاتنزل الموضوع اصلا وفجميع الأحوال الموضوع بسيط جدا يعني ولا يهمك

حبيبي يا حوده