موسوعه النكت!!!

بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية

انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة .

مرة واحد غبي حب يطور الطيارة الهليكوبتر فك المروحة وركب بدالها تكييف Laughing

صعيدي نام متأخر، فاته الحلم .

مره ظريف عاش في الدور أظرف منه عاش في الدور الي فوقه

واحدبلدياتنا مراته اغمى عليها شممها رجله

واحد اعمى ربنا شفاه اتشل من الصدمه

واحدبلدياتنا اول مرة يسوق طيارة هليكوبتر حس ببرد قفل المروحة

مرة واحد راح السودان بالليل مالقاش حد

مسيحي دخل مسجد بمصر و معاهو سكين و قال: مين فيكم مسلم؟
كلهم سكتوا من الخوف ...إلا واحد شجاع قال ليهو: أنا مسلم
اخذه برا و قال ليهو: عندي خروف عاوزك تدبحه و تسلخه على الطريقه الاسلامية
المسلم قال : أنا اعرف ادبح بس شوف ليك واحد تاني يسلخه ليك
دخل المسيحي المسجد تانى و السكين كله دم من الخروف و قال: مين مسلم كمان؟
المصلين اشروا على الإمام
رد الإمام عليهم: "في إيه. هو عشان صليت بيكم ركعتين بقيت مسلم خلاص"

واحد بلدياتناغنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى نوبليز نوبليزنوبليز (no please)

مرة واحد موظف ماشى الصبح رايح شغلة وهو ماشي شاف جماعة بلدياتنا واقفين فوق
كوبري قصر النيل مهيصين و بيسقفو و بيصفروا ويرقصوا ويهللوا وينادوا هاريدي
هاريدي هاريدي، تاني يوم شاف الموظف نفس الحكاية، ثالث يوم شاف نفس الحكاية
فراح يسأل حد من الجماعة دية ونبي يا بالادينا شايفكوا بتسقافوا و مهياصين
على الأخر هو في أية قالوا أحسن غطاس عنديكم بيجعد جد اية تحت المية قالوا
ثلاث دقائق قالوا هريدي ولد عمي !!!! بجالوا تلات تيام في المية ومطلعش!!!

واحده بلدياتنا قالت لجوزها قولى كلمه حلوه قال لها بسبوسه
قالت له يا اخى قولى كلمه تهزنى
قال لها مرجيحه
قالت له قولى كلمه احس فيها انى مراتك
قال لها انتى طالق

واحدة كل يوم تصحي من النوم تلاقي هدومها كلها ميه... خدت راي جارتها... قالتلها اعملي نفسك نايمة وشوفي الميه بتيجي منين... وهي نايمة لقت جوزها قاعد يتفرج علي قناة لبنان... وكل ما يشوف واحدة حلوة... يقول دي حلوة... ودي... اتفوووووو

مرة واحد طيار اسمه هريدى كان فى رحلة و بعدين فجأة المحرك اليمين بتاع الطيارة عطل..
فنبه على الركاب و قاللهم كابتن هريدى يحيكم و يبلغكم ان المحرك الأيمن توقف و لا داعى للقلق.
بعد شويه الركاب سمعوا كابتن هريدى بيقول:
كابتن هريدى يحييكم و يبلغكم أن المحرك الأيسر للطائرة قد توقف و لا داعى للقلق.
بعد شويه الركاب سمعوا كابتن هريدى بيقول:
كابتن هريدى يحييكم من البراشوت و يتمنى لكم رحلة سعيده

ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟

مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟

جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت

واحد بيقول لخطيبته انا مش غني ولا عندي مرسيدس ويخت زى محمود بس انا بحبك خطيبته: وانا كمان بحبك لكن احكي لي اكتر عن محمود

مره استاذ.تربيه فنيه حب يختبر التلاميذ..فقل لهم انا عيزكم ترسموا حمار غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش

مرة واحد في حضانة قال لزميلته تتجوزينى؟؟
بصت له بأستحقار و قالت له أنا مبحبش العيال
قالها و أنا كمان مش مستعجل عليهم

واحد خارج فى رحله خلويه مع واحد صاحبه لسانه تقيل .وكانو طالعين على جبل .فقال اللى لسانه تقيل لزميله.
نس...ن..نسي..
الثانى:نس ايه مش وقته
الاول: نس نس...نسي..
الثانى:بقولك ايه .اصبر لحد ما نطلع و اتكلم براحتك.
المهم طلعوا فقال له: ها كنت عايز تقول ايه؟
قال له: نس ..نسى.. نسينا... نسينا الخيام تحت.
الثانى:حرام عليك و جاى تقولى دلوقتى ..تعالى اما ننزل نجيبها.
المهم وهما نازلين قال اللى لسانه تقيل لزميله :كو..كو...كو
الثانى: كو ايه عايزين نخلص
الاول كو... ك..
الثانى:استنى اما ننزل و اتكلم براحتك.
ولما نزلو قال له :ها كنت عايز تقول ايه فوق ؟
الاول: كو.. كككككككككو.. كوت..كنت باهزر معاك

واحد نايم جنب مراته فسمعت صوت، بتقوله يا قوم يا راجل فى حرامى فى الصاله، قالها يا شيخه نامى جنبك سبع، قالتله يا راجل فى حرامى فى اوضه النوم قالها يا شيخه نامى جنبك سبع، وبعدين قالتله يا راجل حرامى شالنى وماشى قالها روحى ماتخفيش سايبة فى البيت سبع

مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس Laughing