صعيدى بيحب بنت ستايل اووى فى الجامعه

انتا ماللك يا تقيل

حلو اوي ياض

بس بقولك ايه

لخص في الحوار ده بقى

انتا ماللك انتا كمان

ياجماعه انتم هتتخانقوا
فين باقى القصه

اتخانقوا بعدين
المهم دلوقتي الحلقه

باقى القصه بعد شويه كدا
لما الاقى ردود تفرحنى كدا وتبسطنى

انت هتزلنا ولا ايه يا عم تايجر
ايه الناس دي Evil or Very Mad

ويعني ايه ردود تبسطك؟؟
نرد عليك بنكت يعني
يالا هاتها بدل ما اقلب ع الوش التاني Very Happy

لا خلاص يا ندا اقلبى على الوش التانى احسن

هي الحلقه الجايه دي مش هتتطلع الا الشهر الجاي ولا ايه

انا نسيت المسلسل ده اصلا كان بيحكي عن ايه يا ريت الحلقه الجايه تنزل احسن الكل هينساها
ولا هو المسلسل ده خلص علي كده ولا ايه

لا ازاى خلاص ادى حلقه اهى ومعلش بقا على التاخير
لانى مش لقيت حماسكوا يا بنى ادمين
بس يلا مش مهم بقا
حلقه اهووووووووووو

مش هرغي

هنخش علي الحلقه علي طووووووووووووووووووووووووول

الحلقه الثانيه عشر
_______________

مكالمه احمد وابوه الحج هريدى

أحمد : ازيك يابا وازى امى واخواتىوالبلد كلتها
وبعدين بينه وبين نفسه (( اللهى تولعوا كلوكوا ))
الحدهريدى: ازيك يا ولدى عامل ايه وايه اخبارك مش ناوى ترجه ولا ايه يا ولدى دى البلد كلتها مستنظراااااك
أحمد: اه طبعا يابا ناوى دى البلد وحشانى جوى جوى جوى
وبعدين بينه وبين نفسه (( اللهى ارجع الاجيها مولعه باللى فيها ))
الحدهريدى : والعمده احمد بيسلم عليك وعايز يكلمك علشان عايز ينزل مصر وعايز يشوفك
علشان تروحوا مع بعض تزورو الأوليه وبالمرة يشتريلوا بهيمتين بدل اللى ماتوا
أحمد : ماتوا من ايه يابا هو انت لسه شغال فى الظريبه عنده ولا ايه يابا
الحدهريدى: ومالها يا ولدى شغلانه الظريبه دا انا دلوجتى اترجيت وبجيت مشرف
على البهايم كلتها
اأحمد : طب الحمد لله يابا
الحدهريدى: طب خد يا ولدى امك عايزة تكلمك
أحمد : يابا والنبى بسرعه علشان انا بتكلم من المحمول ومش بتاعى يابااااااااا
وبعدين بينه وبين نفسه (( يالهوووى يابا عليك وعلى سنينك السوده ))
أم أحمد : ازيك يا ولدى عامل ايه
أحمد : ازيك ياما اااا عامله ايه
أم أحمد : ليك عندى يا ولدى خبر حلو جوى جوى هيعجبك
أحمد : جولى ياما جولى ما ما انا عارف اخبارك
وبعدين بينه وبين نفسه (( اخبارك السوده دى))
أم أحمد : جايبالك عروسه انما ايه زى الجمر يا ولدى
أحمد : عروسه !!!! مين دى ياما ؟؟؟
أمه : نفيسه بنت عمك ابو همام
أحمد : نفيسه !!!!! اللى كانت بتجرى ورا عربيه الرش بتاعه النموس والل كانت بتنزل الترعه
ياما دى كانت ........ ياما دى جربانه ياما
أمه : دى دلوجتى بجت عروسه وإحلوت يا ولدى
أحمد : ربنا يسهل ياما اا .. بس انا دلوجتى مبفكرش غير فى دراستى .
أحمد : خلاص خلاص ياما سلام دلوجتى علشان الرصيد اللى فى المحمول ميخاصش
أمه : ايه ده يا ولدى انت جيبت محلول
أحمد : وبعدين بينه وبين نفسه (( سلام بجا ياما دا انتى رخايه جوى وراح قافل فى وشها ))
نور: ايه يا احمد سلمتلى على الحج هريدى
أحمد : اه طبعا طبعا يا نور
أحمد: ياااااه يا نور لو شفتى بلدنااااااا حته من شرم كده
نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك
أحمد : بينه وبين نفسه ((متشوفيش وحش))
أحمد : اااه يا نور نفسى تشوفى ابويا العمده وهو قاعد فى الظريبه أأخ قصدى
وهو بيبص على الناس اللى شغاله فى الظريبه
أحمد : وأد ايه يا نور ابويا مهتم بنظافه الظريبه أأخ قصدى البلد كلتها
نور: هو بباك عمده طب احكيلى عن اخواتك يا احمد
أحمد : عندى يا ستى أخين وأخت
نور: واسمهم ايه يا احمد
أحمد : عواد وعبعال والبنت اسمها صابحه
نور: وسنهم اد ايه؟؟
أحمد : عواد ده حرامى أد الدنيا
نور: حرااااامى !!!!!!!!!!
أحمد : لأ يا شيخه بهزر معاكى
دا عواد عنده خمستااااشر سنه ولسه فى ابتدائى اصل بيحب الدراسه جوى تصورى !!!
نور : وعبعال ؟؟؟؟
أحمد : عبعااااااال يا عينى على عبد العال ... عبعال ده تديله من فوق اكل يديكى من
تحت حاجات تانيه
نور: هههههههههههههههههههههههههه
أحمد : لا دا عبعال فظيع تصورى عبعال فى مرة كنا بنتعشا
فا أمى كانت عاملالنا بيض ومش وكان فى المش دود وكان عبعال
بجاله يومين مكالش لحمه راح واكل الدود وساااب المش !!
نور: يوميين مكاالش لحمه !!!! ههههههههه
أحمد : لأ وايه وبعد ما أكل الدود والبيض دخل الحمام
فضلت يا نور البلد كلتها 7 أيام تعانى من سد فظييييع فى المجارى
نور: ههههههههههه يع يع
أحمد : مقولكيش بجا على صابحه
نور: لألأ كفااااااايه لحد كده
أحمد : لا كله إلا صابحه .. صابحه وهى صابحه.......
وفجأة واحمد بيتكلم مع نور راح طابب عليه واحد
بلدياته من البلد واحمد بقى مرعوب ليشوفوا ويجى يسلم عليه ويفضحه قدام نور
وفعلا ده اللى حصل وبلدياته شافه وراح رايحله على طوووووووووووول

أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه
ورااااااااح دااااخل بلديتناااااا على احمد ..........
.
.
.
ونشووووووفكم الحلقه الجااااايه على خييير ان شاااااااااء الله

جامده يامعلم
بس خلى الحلقات اطول شويه

شكراااااااااا كتير بجد حلوه اويييي ومنتظره الباقي

جميله ياض

ومستنين الجاي

على فكره يا جدعان فى واحد بيقولى شكرا مش من قلبه فيكوا انتوا التلاته

انا شاكك فى ميدو مش بيقولها من قلبه على فكره

ههههههههههههههههههههههههههه
يا رخامتك يا اخي
ياض انت نعمل ايه يعني ؟
نبوس ايدك مثلا ؟

ههههههههههههههههههههه
جامده اوي يا تايجر
بس ياريت مش تنقطنا علي ما تجيب باقي الحلقات

انقطكوا
على العموم
بما انى كريم
وكدا يعنى

هانزل الحلقه دى
عشان خاطر ندا هانم
ميدو لا
ميدو خد مره عشان خاطره

الحلقه الثالثه عشر

ودخل بلديتنا على احمد

صميده : أحمد بلدياتى حبيبى ازيك يا صاحبى عامل ايه

أحمد : ازيك انت يا عواد

بينه وبين نفسه (( الله يخرب بيتك ايه اللى جابك دلوجتى يا صميده يا غلس )).!؟

صميده : ( عواد ) مين انت مش فاكرنى ولا ايه يا احمد

أحمد : لالا طبعا ازاى يا حمدان فاكرك وانا اقدر انساك

صميده : حمدان مين يا احمد انا صميده ابن عمك الحج شعبان بتاع البليله

أحمد : ااااااه يا جدع وانا اقدر انساك برده ايه اللى انت بتجوله ده وايه اللى جايبك هنا يا حمار قصدى يا صميده

بينه وبين نفسه (( تيجو من بلدكوا وتقرفونا هنا )).!؟

صميده : طب والله يا احمد انت كنت واحشنى جوى جوى
فاكر يا احمد ايام زمان اما كنا .......؟

وراح احمد قاطع كلامه

أحمد : اااه طبعا طبعا فاكر يا صميده وانا اقدر انسى

بينه وبين نفسه (( اه يا ابن الدزمه هتفضحنى جدام نور ))..؟

صميده : فاكر اما كنا بنروح نلعب مع البهايم فى زريبه العمده اللى كان شغال فيها ابوك الحج هريدى

أحمد : هههههههههههههههههه دا انت بجى دمك شربات وزى السكر يا صمصم

صميده : ولا فاكر اما كنا بنروح الترعه اللى كنا كل يوم نروح ناخوض بلنصات فيها

أحمد : هههههههههههههههه يخرب بيت شيطانك يا جدع

بينه وبين نفسه (( عليا الطلاج شويه وهولع فيك يا ابن الدزمه )) ..؟

صميده : ياااااااه كانت ايام

أحمد: ااااااااه (( الله لا يرجعها ))..؟

نور طبعا قاعده بتحاول تفهم اى حاجه بس مش قادرة واقعه من الضحك وفى نفس الوقت مستغربه

صميده : انما مجولتليش يا احمد انت هنا بتعمل ايه

أحمد : بشم هوااااا اصل الجو حر جوى جوى هناك فى مصر

صميده : طب ما انت فى مصر برده يا احمد ولا انت حد ضحك عليك وفهمك انك مسافر بلاد بره

أحمد : يااااااه عليك يا صميده مش بقولك دمك بجى زى السكر .. قصدى على القاهرة يا خاااااافيف

صميده : اييييييييه ده وبجيت قاعد فى القاهرة كمان ؟

أحمد : وفيها ايه يعنى ياخويا ولا هما كاتبين عليها ممنوع دخول الحيوانات

نور : ههههههههههههههههههههههههههههههه

صميده : لا لا يا ابن عمى مجصوتش طبعا

أحمد : لا يا سيدى ولا تجصد

بينه وبين نفسه (( ايوه كده ادب معاه خناجه علشان يغووور ابن الدزمه ده )).؟

صميده : انت زعلت ولا ايه

أحمد : لا يا سيدى وهزعلى من حمار زيك ليه قصدى وهزعل منك ليه

صميده : طب حجك عليا

أحمد : انما مجولتليش يا سى صميده انت هنا بتعمل ايه ؟

صميده : انا يا ابن عمى شغاااااااااال فى مطعم فى فندق اسمه تروبيكالا

نور : هههههههههههههههههههههههه اسمه تروبيكانا

أحمد : وكمان مش عارف اسم الفندق اللى انت شغال فيه جتك نيله عليك

صميده : ولا يهمك يا جمر . اللى انتى تجوليه هو الصح

وبعدين مش تعرفنا يا احمد على المزمازيل اللى معاك

أحمد: لا يا سيدى مش هعرفك وبعدين انت مالك

صميده: كده يا ابن عمى ماشى ولا يهمك عادى انما انت مجولتليش عبعال اخوك
عامل ايه مع البلد وعمل ايه فى الازمه اللى كان بيسببها للبلد كلها كل ما
يدخل الحمام اصل بجالى كتير منزلتش البلد

نور: هههههههههههههههههههههههههههههه

أحمد: يالهوووووووى على تجل دمك يا صميده

انت ياض جايب الغلاسه دى منين ؟

أحمد : اييووووه صميده اهو .. اللحج يا صميده اظاهر كده فى حد بينده عليك هناك وبيجول المدير عايزك

صميده: يالهووى المدير عايزنى يجى فى مصيبه حصلت

هجيلكوا تانى

نور : ههههههههههههههه مقولتليش مين ده يا احمد

أحمد : ده ؟ داااا صميده ابو الغلاسه والرخامه والرزاله كلهاااااااااا

نور: هههههههههههه لا ما هو باين عليه

وبعدين هو الكلام اللى بيقوله ده حقيقى

أحمد : يا سيتى متحوطيش فى بالك بجولك دا صميييييييده

أحمد : الله يخرب بيته مخلناش نعرف نتكلم مع بعض

نور: لا عادى يا احمد ولا يهمك بس انا زعلانه ان خلاص قربنا نرجع

أحمد : وانا كمان والله يا نور

نور: طب انت هتعمل ايه دلوقتى يا احمد ؟

أحمد : انا جعاااااااااان

نور: هههههههههههه انت على طول كده يا احمد اكل اكل على طول

أحمد : يا باااااى عليكى وعلى جرك هو مش انتى جولتى انهم عاملين الاكل ابون بوفيه

نور: ههههههههههههههههههههه ايه ( ابون ) ؟ هههههههههه اسمه اوبن بوفيه

أحمد : يااااااااااه على رزالتك انتى كمان هتعملى زى صميده ولا ايه

بتيجى انتى فى الحاجات التافهه وتتكلمى

نور : ههههههه خلاص معلش

أحمد: طب ايه تيجى تاكلى معايا

نور بكسوف راحه قايلاله اوكى

أحمد : وبتجولى مش جعانه يالهوى عليكى تلاجيجى هتروحى هتعتدى على البوفيه كلها

نور : دا انا برده اللى كل شويه بقول انا جعان انا جعاااااااان

وراحوا الاتنين للبوفيه ويا ريتهم ما راحو للبوفيه

وللعزوووومه بقيه
الحكايه(لامؤاخذه )

مفيش اطول من كدا يعنى
افتكرونى بحاجه بس

والله نار يا باشا
بس همتك معانا فى باقى الحلقات بقى Very Happy

ههههههههههههههههههههه
تمام اوي يا تايجوره
بس يا ريت تبقي تكبر الخط شويه عشان انا اتعمييييييييت Shocked

مستنين الحلقات الجايه

هههههههههههههههههه

حلوه اوووي ياتيجر ومستنين منك الحلقات الجايه Very Happy

تسلم ايديك

الى عاوز الحلقه يدفع 75 قرش
يلا عاوز فلوس انا

75 قرش ؟؟؟؟؟؟؟؟؟
ودي قيمتك برضه يا تيجر

طب قول رررررررررررررررررررررررررررربع جنيه Very Happy

وانا قيمتى ربع جنيه برده
يا ندا
طيب

تؤتؤتؤتؤ
متزعليش يا بيضا
انا بهزر معاكي
انت قيمتك مش تتاقل بالمال يا تايجوره Very Happy

اما تتوزن بايه يا ندااااااااااااااااااااااااااااااااااا