رجاء من الجميع الدخول

زائر

انا اسفه اذا كنت هبوظ قواعد اللعبه
بس انا كان نفسي حد يسال السؤال اللي ميدو ساله في لعبة غلاسه
وشديتني اجابة سمسمه جدا وحبيت اعرف اراء الشباب كلهم
واتمني يقولوا ارائهم

بصراحه
انا من اكتر الناس المعارضين لمعظم قرارات الرئيس
بس لاول مره احس انه حكيم في قرارته المره دي
بجد يعتبر احكم قرار اتخذه
هتقولو ليه
هقولكوا لان نفس المشكله اللي احنا فيها الوقتي اتعرضنلها ايام 67 و73
ان اسرائيل بعد اما دخلت غزه واصبح مافيش بين اليهود والمسلمين الا سور
ومعتقدش ان في مسلم ممكن يتحمل كده حت لو قلبه من حجر
واكيد هيحصل مناوشات
وتتكر نفس اللي حصل ايام 73
ويحصل حروب
واديكو شايفين الحروب
وانا معاكي يا سمسمه ان كل العرب عيبوا علي مصر
بس اشمعني مصر
ماهو مافيش ولا معبر بيتفتح للمساعدات الا معبر رفح وباقي المعابر كلها مع اسرائيل ومقفوله
بردو هنكرر نفس الماساه اللي حصلت ومصر اللي تقع وساعتها محدش هيقع في الموضوع الا مصر
ومحدش هيقف جمبها من الدول اللي بتعيب عليها
وياريت نكون واقعيين اكتر
يعني احنا بنقول نحارب احسن مانشوف الحاجات دي
اديكو شوفتوا الحرب
اقل حاجه عندهم استخدام اسلحه محرمه دوليا
معتقدش اننا عندنا نفس كفاءة الاسلحه الحربيه بتاعتهم عشان نقول اننا هنخش في حرب واحنا متاكدين مليون في الميه اننا ممكن نخسرها
رحم الله امرأ عرف قدر نفسه
وغير كل ده وده
ان مش معقول المعبر يتفتح
وكل الفلسطينين يعدو منه ويسيبو بلدهم
ده يبأه في حق مين ده؟؟؟؟
لو علي فتح المعبر للمساعدات
فالمعبر مفتوح فعلا
والمستشفيات المصريه كلها مفتوحه
يعني بجد انا رأي انه احكم قرار اتاخد من الرئيس
تقبلوا تحياتي

والله يا مي انا بتفق معاكي ان الوضع الحالي اهون بكتير من غيره

لأن بصراحه انا شايف ان اللي اسرائيل بتعمله ده في محاولة لأستدراج مصر في حرب جديده
وادينا شوفنا اللي حصل من كام يوم وفي شظايا من الغارات الأسرائيلية اصابت ظباط مصريين وماتوا
صحيح انا متضايق ان مصر مش بتاخد قرارات حاسمه
بس سألت نفسي: هو لو مصر تدخلت يا ترى هاتلاقي حد تاني ع الأقل يقول امين
كل البلاد العربية بتفكر في مصلحتها وبس
وكله خايف ع نفسه وبس
ولذلك عمرنا ما هانتقدم خطوة
لكن لو كله اتحد مع بعضه ووحدنا صفوفنا والله وانا بحلف بالله مافيش لا امريكا ولا اسرائيل هايقدروا يعملولنا حاجه
لأن ربنا هو اللي قال كده

( وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ )

وربنا قال ( وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا )
فاعتقد ان مش مصر بس يعني هي اللي وحشه ومش بتساند بالعكس دا جميع الدول العربيه - طبعا انا اقصد حكومات مش شعوب فاكيد الشعوب العربيه كلها حالهم زي حالنا - تقريبا موقفها واحد
وسبحان الله بتيجي من الأغراب مش مننا
يعني مثلا رئيس فنزويلا طرد السفير الأسرائيلي شر طرده من فنزويلا بعد الأحداث الأخيره في غزة
لكن احنا استدعينا السفير الأسرائيلي ووجهنا له انذار شديد اللهجه
وقولناله انت ياض يا سفير انت لو اسرائيل ما وفقتش الضرب والله والله والله هانزعل منكم خالص
طبعا دا تهكم وسخرية من اللي قدرنا عليه
مش معنى كده اني بقول نطرده والا هابقى بناقض الكلام اللي قولته في الأول ان احنا كده هانبقى بننول اسرائيل اللي هي عايزاه
لكن اعتقد كان في مواقف تانيه احسن بكتير
وماعتقدش ان احنا لو دخلنا حرب هانقدر نحقق فيها حاجه بصراحه يعني
والله الواحد محتار وكل شوية دماغه تفكر شمال ويمين لما احتار
لكن في النهاية انا عن نفسي اللي اقدر اني اعمله دلوقتي هو الدعاء لأهل فلسطين

اللهم انصر اخواننا في فلسطين
اللهم يا ذا الجلال والعزة انصر اخواننا في غزة
اللهم اعلي بفضلك كلمتي الحق والدين واذل الشرك والمشركين
اللهم انصر المجاهدين في فلسطين
اللهم سدد رميهم ووحد صفهم
اللهم وفق صواريخهم الى تدمير بيوت المشركين
اللهم شتت امر المشركين وفرق جمعهم
واجعل تدبيرهم وتفكيرهم لتدمير بيوت المسلمين يرتد في نحورهم
اللهم عليك بكل من تطاول ع الأسلام والمسلمين بسوء
اللهم شل اركانه ولسانه وتفكيره
اللهم اجعله عبرة لمن يعتبر
اللهم وحد المسلمين واعز الأسلام والمسلمين
ولا تجعلنا يوم العرض عليك خسارى ولا محرومين

امين امين امين واخر دعوايا ان الحمد لله رب العلمين وصلي اللهم وسلم وزد وبارك ع سيدنا محمد وع اله وصحبه وسلم تسليما كثيرا

والله عندك حق يامى

زائر

مصر ممكن تدخل في حاله واحده بس علي رأي ميدو
اذا اتحدت جميع الدول مع بعض
مش مصر لوحدها اللي تقع في الفخ
وكمان وقت الاتحاد يكون في خطه محكمه
واسلحه متوافره ونكون ضمنين الانتصار علي الاقل بنسبة 70%
ومش مصر ولا المصريين اللي يقدروا يتخلو عن اخوانهم
بس مش معني كده نعرض نفسنا وبلدنا للخطر وننولهم اللي عاوزينه
من ناحيتين
ناحية انهم عاوزين ولاد فلسطين يمشو عن طريق المعبر وياخدو هما غزه
والناحيه التانيه يبألهم حجه انهم يدخلو مصر
والرئيس مهمته انه يحمي ابناء بلده
وهو قال بنفسه مستحيل ارمي ولد من ولادي في حرب شغاله من 48
منجيش احنا ونبالغ ونقول حاجات احنا مش قدها او بمعني اصح مش عارفين معناها
وانا رأي
ان اللي عاوز يساعد يروح عند المعبر ويشوف ويساعد وينقل
يتبرع باي حاجه يقدر عليهم
واللي ميقدرش يدعيلهم ربنا ينجيهم وينجينا من خطر السفاحين دول
ونقول هنحارب
شكرا لردودكم منتظره باقي الاراء

ماشى ياجماعه كلامكم زى الفل وانا محترماه جدا
بس احنا دلوقت معانا السودان وإيران ودى طبعا عندها نووى ومعانا سوريا اللى انهت كل العلاقات مع اسرائيل وطردت السفير الاسرائيلى
وانا مش بقول كدا على اساس ندخل حرب وكدا احنا طبعا مش مستعدين لاى حرب وانا متفقه معاكم فى دا
بس على الاقل نقطع علاقات التطبيع معاهم ومش نصدر لهم الغاز ببلاش واحنا عندنا أزمه ومش نديهم الحديد برخص التراب عشان يبنوا السور الحدودى ومش نطلع نقول للعالم ان معبر رفح تحت السياده الاسرائيليه
ومش ينفع نقول على المقاومه إرهاب
يبقى إحنا فى إيدينا حلول كتييييييييير غير الحرب اللى إحنا متفقين كلنا مندخلهاش
ياعنى فى إيدينا مقاطعه كل منتجات الآعداء وإنهاء كل علاقات التطبيع معاها
وطرد السفير الاسرائيلى ومنع تصدير الغاز نهائيا والحديد والاسمنت برخص التراب كدا
ياعنى أنا مش بقول إن احنا وحشين فى كل حاجه بس أنا بقول إن فى حاجات كتيييييييييير لسه معملنهاش
وعموما ربنا يصلح حال البلاد والعباد واللهم غير بنا ولا تغيرنا اللهم امين